Версия для слабовидящих
Пыӵал тӥрлык лэсьтӥсьлэн нуналаз Ижкарын М. Т. Калашниковлэн но Д. Ф. Устиновлэн синпелетъёссы азе сяськаос понӥзы

Пыӵал тӥрлык лэсьтӥсьлэн нуналаз Ижкарын М. Т. Калашниковлэн но Д. Ф. Устиновлэн синпелетъёссы азе сяськаос понӥзы

19.09.2019
Пыӵал тӥрлык лэсьтӥсьлэн нуналаз Ижкарын М. Т. Калашниковлэн но Д. Ф. Устиновлэн синпелетъёссы азе сяськаос понӥзы
Туннэ пыӵал тӥрлык лэсьтӥсьлэн нуналаз Ижкарын Ужысь кык пол Геройлэн, Россилэн Героезлэн, ыбылӥськон тӥрлык кылдытӥсь конструкторлэн Михаил Тимофеевич Калашниковлэн но Совето Союзлэн маршалэзлэн, Ужысь кык пол Геройлэн, Совето Союзысь Геройлэн Дмитрий Фёдорович Устиновлэн синпелетъёссы азе сяськаос понон сӥё-дано ужрад ортчиз.
Отчы пыриськиз Удмурт Элькунлэн Тӧроез Александр Бречалов, Кун Кенешлэн Тӧроез Алексей Прасолов, Калашников нимо улосвылкуспо мерлыко фондлэн азьмуртэз, тодмо конструкторлэн нылыз Елена Калашникова, Удмурт Элькунъя валтӥсь федерал инспектор Сергей Панов, Россиысь Мерлыко палаталэн кивалтӥсезлэн воштӥсез Вячеслав Бочаров, Россиысь профсоюзъёслэн огазеяськонзылэн кивалтӥсез Михаил Шмаков, Кун Кенешысь депутатъёс, Кивалтэтлэн ёзчиосыз но мукет дано муртъёс.
Ижкарын лэсьтэм пыӵал тӥрлык 210 ар ӵоже Россиез тушмонъёслэсь утьыны юрттэ ини. Озьы ик луоз азьланяз но, угось, кылдытӥське выль, туала улонлэн куронъёсызлы тупась ожтӥрлык, пусъемын вал ужрадын.
Тодады вайытом, пыӵал тӥрлык лэсьтӥсьёслэн нуналзы пусйиськыны кутскиз тодмо конструкторлэн Михаил Калашниковлэн кичӧлтэмезъя. 2010-тӥ арын со сыӵе куронэн вазиськиз Владимир Путинлы. 2011-тӥ арын 3-тӥ толсуре поттэмын вал праздникез кылдытон сярысь Указ.

Возврат к списку