Версия для слабовидящих
«Сектаськон» интыосын нюръяськон ужпумез эскеризы «Единая Россия» партилэн кенешон площадкаяз

«Сектаськон» интыосын нюръяськон ужпумез эскеризы «Единая Россия» партилэн кенешон площадкаяз

29.07.2019
 «Сектаськон» интыосын нюръяськон ужпумез эскеризы «Единая Россия» партилэн кенешон площадкаяз
Москваын «Единая Россия» партилэн «Адямилэн ӟеч улонэз» площадкаезлэн кенешонэз ортчиз. Пумиськонын кудӟытӥсь юонъёсты вӧлмытонэн герӟаськем ужпумъёсты эскеризы.
Туннэ Россиысь улосъёсын тросэн «сектаськон» интыос усьтӥськыло. Нуназе вузкаронни сямен ужась огазеяськон ассэ «калыкез сюдон инты» шуыса нима но кудӟытӥсь юонъёсты вӧлмытыны кутске. Озьы со уй но нунал спирто суретъёсты вузаны быгатэ. Соин валче калыклэсь но трос ӝожтӥськонъёс вуо.
Удмуртиысь Кун Кенешлэн нимыныз площадкалэн ужаз пыриськиз кунэз лэсьтонъя но интыыысь аскивалтонъя ялан ужась ӧрилэн кивалтӥсез Александр Прозоров. Со тодэ вайытӥз, 14-тӥ сессияз Удмуртиысь элькун парламент спирто суретъёсты вузан сярысь федерал катрадлыке воштонъёс пыртыны кичӧлтон юнматӥз. Удмуртиысь депутатъёс ӵекто, калыкез сюдон интыосын кудӟытӥсьсэ вузан радлыке улосъёс асьсэос ватсаса воштонъёс юнматыны мед быгатозы шуыса. Али соослэн таӵе луонлыксы вузкаронниос ласянь гинэ вань.
«Ӵектонмы кутэмын луиз ке, уин кудӟытӥсьсэ вузанэз дугдытыны, калыклэсь шыпыт улонлы, кышкыттэмлыклы но шутэтсконлы эрикрадъёссэ быдэсъяны луоз», - шуиз депутат. Соин ӵош Александр Прозоров пусйиз, воштӥськонъёс спирто суретъёсты катрадлыкъя вузась ужбергатӥсьёсты уз йӧтылэ шуыса. Соос лушкем лэсьтэм суретъёсты шараяны, калыклэсь тазалыксэ утёнэз юнматыны юрттозы.
Вераськонэ пыриськисьёс пусйизы, кудӟытӥсьсэ лэзьяса вузан туннэ Россиысь ваньмаз сямен улосъёсын вӧлмемын. Ӵемысь со трос квартираё коркаосын ик нуиське. «Трезвая Россия» проектлэн эскеронъёсызъя, берло кык ар ӵоже кафе, бар но мукет со выллем интыос улсын ужась вузкаронниослэн лыдзы 20 процентлы йылӥз. 10 пӧлысь 7-ез соос лушкем лэсьтэм суретъёсты вӧлмыто, ог ӝыныяз кудӟытӥсь юонъёсты быдэ вуымтэослы вузан учыръёс пусъемын.
«Единая Россия» Партилэн Валтӥсь кенешезлэн секретарезлэн нырысетӥ воштӥсез, Кун Думалэн депутатэз Ольга Баталина верамезъя, югдуръя адӟон одӥг – калыкез сюдон та выллем интыос луыны кулэ ӧвӧл. «Катӵектосэз сӥзьыл сессиын кутоно ини. Со улосъёслы асьсэлы ватсаса чурытатонъёс пуктыны, югдурез чакласа возьыны луонлык сётоз».


Возврат к списку