Версия для слабовидящих
Кун Кенеш Удмуртиысь пуэн ужась огъетъёсты чаклан сярысь катэз юнматӥз

Кун Кенеш Удмуртиысь пуэн ужась огъетъёсты чаклан сярысь катэз юнматӥз

24.06.2019
Кун Кенеш Удмуртиысь пуэн ужась огъетъёсты чаклан сярысь катэз  юнматӥз
Удмуртиысь вань пилорамаос пусъемын луозы. Со сярысь кат юнматӥзы туннэ Кун Кенешысь депутатъёс.
Элькунысь кунпуш ужпумъёсъя министерстволэн чакламезъя, та дыре шаерамы сюрс 200 пала лесопилкаос усьтэмын. 2008-тӥ арын соос 100-лэсь но ӧжыт вал ай. Озьы ке но, та удысысь предприятиослэн ужзы катъёсын рос-прос радъямын овол
Катӵектослэн валэктон гожтэтаз озьы ик пусъемын, нюлэсэз лушкем коран учыръёс йыло шуыса. 2015 арын 127 сыӵе учыр пусъемын ке вал, 2017-тӥ арын 182 луиз ини. Озьы ик тросгес луэ корам писпуослэн лыдзы но.
Выль катъя вань пичи но бадӟым пилорамаос пусйиськемын луыны кулэ. Озьы соослэсь ужзэс чакласа возьыны, нюлэсэз лушкем коранлэсь утьыны луоз. Со сяна, закон элькун бюджетэз но тырмытыны юрттоз. Лыдъям-чотамъёсъя, пилорамаос коньдэтэ арлы быдэ ватсаса 300 миллион манет вайыны быгатозы.


Возврат к списку