Ижкарын эмудысын ужасьёслэн нуналзылы сӥзем сӥё-дано ужрад ортчиз
13.06.2019
Туннэ Ижкарын эмудысын ужасьёслэн нуналзылы сӥзем сӥё-дано ужрад ортчиз. Кун Кенешлэн Тӧроезлэн Алексей Прасоловлэн нимыныз удысын ужасьёсты ӟечкылаз элькун парламентлэн вице-спикерез, тазалыкез утёнъя, семья но демографи политикая ялан ужась ӧрилэн кивалтӥсез Надежда Михайлова.
Удмуртиын туннэ 6 сюрс врачъёс но 16 сюрслэсь ятыр шор но покчи ёзо ӧнерчиос тыршо. Соослэн тыршеменызы, туннэ Удмуртиын кулон учыръёсъя лыдпусъёс огъя Россиын но, Приволжск федерал округын сярысь но ичиесьгес.
«Со – уждылэсь ӟечлыксэ возьматӥсь валтӥсь лыдпусъёс. Соосын данъяськыны луоно», - шуиз Надежда Михайлова.
Тазалыкез утисьёс азьын бадӟымесь ужпумъёс сыло. Кун ласянь валан вань, удысэз азинтоно но выльдоно шуыса. Берло аръёсы Удмуртиын дунтэк эмъюмъёслы коньдон висъян кӧня ке поллы йылиз. Со – бырйисьёслэн тужгес ӵем чузъяськись куронзы, пусйиз депутат.
Эмчиослы ӟечкылан кылъёссэс озьы ик веразы Кивалтэтлэн Тӧроезлэн воштӥсез Анатолий Строков, тазалыкез утёнъя министр Игорь Титов, эмужъюртъёслэн кивалтӥсьёссы.
Туннэ ик Надежда Михайлова Элькун Кивалтэтлэн Тӧроеныз Ярослав Семёновен ӵош 6№ кар поликлиникаын ужасьёсты ужъюртлэн юбилееныз ӟечкылаз. 80 ар ӵоже ини поликлиника Ижкарын улӥсьёслэсь тазалыксэс утён ужез быгатыса нуэ. Эмъяськони Ленин ёросын улӥсь 30 сюрс муртлы чакламын. Озьы ик отын юрттэт басьтыны быгато «Ижсталь-Мечел» предприятиын ужась но ужам муртъёс.
Тодады вайытом, эмудысын ужасьёслэн нуналзы Россиын пусйиське матысь арня нуналэ. Элькунамы удысэз азинтонлы бадӟым саклык висъяське: пуктӥсько фельдшер-акушер пунктъёс, выльдӥське эмъяськонниосысь тӥрлык, басьтӥсько интыысь интые нуллыны луоно эмогъетъёс, быдэсъясько «Земский доктор» но «Земский фельдшер» программаос.
2019-тӥ арын ужаны кутскиз «Здравоохранение» йӧскалык проект. Со улсын 2024-тӥ арозь Удмуртиын кӧня ке выль эмужъюртъёс кылдозы. Туэ ини Ижкарысь Ленин ёросын выль поликлиника ужаны кутскиз, матысь дыре 4 выль ФАП усьтӥськоз.
Удмуртиын туннэ 6 сюрс врачъёс но 16 сюрслэсь ятыр шор но покчи ёзо ӧнерчиос тыршо. Соослэн тыршеменызы, туннэ Удмуртиын кулон учыръёсъя лыдпусъёс огъя Россиын но, Приволжск федерал округын сярысь но ичиесьгес.
«Со – уждылэсь ӟечлыксэ возьматӥсь валтӥсь лыдпусъёс. Соосын данъяськыны луоно», - шуиз Надежда Михайлова.
Тазалыкез утисьёс азьын бадӟымесь ужпумъёс сыло. Кун ласянь валан вань, удысэз азинтоно но выльдоно шуыса. Берло аръёсы Удмуртиын дунтэк эмъюмъёслы коньдон висъян кӧня ке поллы йылиз. Со – бырйисьёслэн тужгес ӵем чузъяськись куронзы, пусйиз депутат.
Эмчиослы ӟечкылан кылъёссэс озьы ик веразы Кивалтэтлэн Тӧроезлэн воштӥсез Анатолий Строков, тазалыкез утёнъя министр Игорь Титов, эмужъюртъёслэн кивалтӥсьёссы.
Туннэ ик Надежда Михайлова Элькун Кивалтэтлэн Тӧроеныз Ярослав Семёновен ӵош 6№ кар поликлиникаын ужасьёсты ужъюртлэн юбилееныз ӟечкылаз. 80 ар ӵоже ини поликлиника Ижкарын улӥсьёслэсь тазалыксэс утён ужез быгатыса нуэ. Эмъяськони Ленин ёросын улӥсь 30 сюрс муртлы чакламын. Озьы ик отын юрттэт басьтыны быгато «Ижсталь-Мечел» предприятиын ужась но ужам муртъёс.
Тодады вайытом, эмудысын ужасьёслэн нуналзы Россиын пусйиське матысь арня нуналэ. Элькунамы удысэз азинтонлы бадӟым саклык висъяське: пуктӥсько фельдшер-акушер пунктъёс, выльдӥське эмъяськонниосысь тӥрлык, басьтӥсько интыысь интые нуллыны луоно эмогъетъёс, быдэсъясько «Земский доктор» но «Земский фельдшер» программаос.
2019-тӥ арын ужаны кутскиз «Здравоохранение» йӧскалык проект. Со улсын 2024-тӥ арозь Удмуртиын кӧня ке выль эмужъюртъёс кылдозы. Туэ ини Ижкарысь Ленин ёросын выль поликлиника ужаны кутскиз, матысь дыре 4 выль ФАП усьтӥськоз.