Кун Кенешысь ялан ужась ӧриосын 2018-тӥ арлы элькун бюджетлэсь быдэстӥськемзэ эскеро
10.06.2019
Кун Кенешысь ялан ужась ӧриосын 2018-тӥ арлы элькун бюджетлэсь быдэстӥськемзэ эскеро. Та ужпум элькун парламентлэн вуоно сессияз поттэмын луоз. Солэсь азьвыл бюджетлэн быдэстӥськемезъя кылзонъёс радъясько. Кун Кенешлэн Президиумезлэн пуктэмезъя, кылзонъёс кык люкетэн мыно – заочной но очной. 8-тӥ инвожоозь вань мылкыд карисьёс коньдэтэз быдэсъянъя ӵектон-дэмланъёссэс Кун Кенешысь бюджетъя комиссие келяны быгатӥзы. Нош 11-тӥ инвожое кылзонъёсы депутатъёс, министерствоосын но ведомствоосын ужасьёс, ёрос но кар кивалтӥсьёс, мерлыко огазеяськонъёслэн ёзчиоссы но иворъёсты вӧлмытон ёзъёсын ужасьёс пыриськозы.
Кызьы пусйизы, катӵектосэн тодматскыса, комиссиосысь депутатъёс, коньдэтэн пуктэм валтӥсь ужпумъёс быдэстэмын. Бюджет удысын тыршисьёслэсь уждунзы чакламъя будэтӥськиз. Дыраз сётӥськизы пособиос но мерлыко мукет тыронъёс.
Коньдонэн юрттэт висъямын экономикаысь тужгес валтӥсь удысъёслы. Сыӵеос пӧлын гурт возёс, ЖКХ, сюрес возёс но транспортэн герӟаськем удыс. Уксё озьы ик висъямын интыосысь коньдэтъёсы.
Кун пунэмъёслэн быдӟалаез ар ӵоже ог кык миллиард манетлы кулэсмиз. Со сяна, кредитъёслэсь процентсэс пичиятыса, тыриськон 1 миллиард 46 миллионлы капчияз.
Оптимизаци улсын 3 миллиард манетэз шыръяны луиз. Бадӟым уж лэсьтэмын кун закупкаосъя. Та ужез огъяса но миллиард манет шыръяськиз. Кылем арысен министерствоослэн но ведомствоослэн кун контрактъёссы казначействое выжтэмын.
Табышъя удмурт элькунлэн бюджетэз миым 73 миллиард манет люкаськиз. Валля арын сярысь 8 процентлы йылэмын. Федерал центрысь элькунэ 18 миллиард манет вуиз. Уже кутэмын 71 но ӝыны миллиард манет.
Кызьы пусйизы, катӵектосэн тодматскыса, комиссиосысь депутатъёс, коньдэтэн пуктэм валтӥсь ужпумъёс быдэстэмын. Бюджет удысын тыршисьёслэсь уждунзы чакламъя будэтӥськиз. Дыраз сётӥськизы пособиос но мерлыко мукет тыронъёс.
Коньдонэн юрттэт висъямын экономикаысь тужгес валтӥсь удысъёслы. Сыӵеос пӧлын гурт возёс, ЖКХ, сюрес возёс но транспортэн герӟаськем удыс. Уксё озьы ик висъямын интыосысь коньдэтъёсы.
Кун пунэмъёслэн быдӟалаез ар ӵоже ог кык миллиард манетлы кулэсмиз. Со сяна, кредитъёслэсь процентсэс пичиятыса, тыриськон 1 миллиард 46 миллионлы капчияз.
Оптимизаци улсын 3 миллиард манетэз шыръяны луиз. Бадӟым уж лэсьтэмын кун закупкаосъя. Та ужез огъяса но миллиард манет шыръяськиз. Кылем арысен министерствоослэн но ведомствоослэн кун контрактъёссы казначействое выжтэмын.
Табышъя удмурт элькунлэн бюджетэз миым 73 миллиард манет люкаськиз. Валля арын сярысь 8 процентлы йылэмын. Федерал центрысь элькунэ 18 миллиард манет вуиз. Уже кутэмын 71 но ӝыны миллиард манет.