Удмуртиысь Кун Кенеш кудӟытӥсь юонъёсын вузкарон сярысь катрадлыке воштонъёс пыртонъя ӵектон дася

Агропром огъетъя, музъем кусыпъёсъя, инкуазь узырлыкъёсты уже кутонъя но утёнъя ялан ужась ӧрилэн кивалтисез Владимир Варламов кудӟытӥсь юонъёсын вузкарон сярысь федерал но улосвыл катъёсы воштонъёсты дасянъя кенешон ортчытӥз.
Элькунысь промышленностья но вузкаронъя министерство трос квартираем улон юртъёсын усьтылэм калыкез сюдон интыосын уин 23-сен ӵукна 11часозь кудӟытӥсьсэ вузанэз дугдытыны ӵектэ. Сыӵе куронэн вазиськиз Ижкар Администрация. Берло дыре трос луизы учыръёс, куке нуназе вузкаронни сямен ужась огазеяськон уин ассэ калыкез сюдон инты шуыса нима но кудӟытӥсь юонъёсты вӧлмытэ. Озьы, катрадлыкез тӥяса, уй но нунал спирто суретъёсты вуза. Соин валче калыклэсь но трос ӝожтӥськонъёс вуо.
Вераськонэ пыриськисьёс вань ӵектонъёсты каткутонъя кичӧлтонэ огазеяны кенешизы. Владимир Варламов пусйиз, таӵе «сектаськон» интыосын нюръяськонэ рос-просгес пыриськыны кулэ катрадлыкез утись ёзъёс но.
Кун Кенеш азе поттэмлэсь азьвыл дасям катӵектосэз Россиысь каткылдытъясьёслэн Кенешазы лэзьялозы. Со ужкагазэ кулэ тупатъянъёс пыртыны но Кун Думае кутыны луымон катӵектос келяны луонлык сётоз.