Версия для слабовидящих
Вотка ёросысь Июльское лыдӟиськонни Россиысь гурт лыдӟиськонниос пӧлысь нырысетӥез Сергей Михалковлэсь нимзэ басьтӥз

Вотка ёросысь Июльское лыдӟиськонни Россиысь гурт лыдӟиськонниос пӧлысь нырысетӥез Сергей Михалковлэсь нимзэ басьтӥз

24.05.2019
Вотка ёросысь Июльское лыдӟиськонни Россиысь гурт лыдӟиськонниос пӧлысь нырысетӥез Сергей Михалковлэсь нимзэ басьтӥз
Июльское черкогуртысь культурая но спортъя «Современник» Дворецын гуртысь лыдӟиськоннилы тодмо поэтлэсь, кылбурчилэсь но драматурглэсь Сергей Михалковлэсь нимзэ сётон сӥё-дано ужрад ортчиз. Со радъяськиз литературая «На родине П. И. Чайковского» фестиваль улсын.
Ужрадэ вуылэм дано куноос пӧлын – Сергей Михалковлэн нунокез, киноактёр, режиссёр, сценарист но продюсер Егор Кончаловский, культурая Росси фондлэн ыстэм муртэз Ирина Котунова, Россиысь нылпи книгая Кенешлэн быдэсъясь директорез Людмила Чижова. Пумиськонэ пыриськизы Удмуртиысь Кун Кенешлэн Президиумезлэн ёзчиосыз но Вотка ёрослэн кивалтӥсьёсыз.
Лыдӟиськоннилы тодмо но дано гожъясьлэсь нимзэ сётыны кичӧлтӥсьёс пӧлын – Кун Кенешысь кышкыттэмлыкъя, Регламентъя но Кун Кенешлэсь ужзэ радъянъя ялан ужась ӧрилэн кивалтӥсез Елена Дербилова. «Уж ар но ӝыны пала кыстӥськиз, - шуиз со. - Сергей Михалковлэсь нимзэ али Россиысь но кунгож сьӧрысь 18 лыдӟиськонниос нулло ини. Одӥгез гинэ соос пӧлысь - Июльское лыдӟиськонни – гуртын интыяськемын».
Сӥё-дано ужрадын Сергей Михалковлэн книгаосысьтыз яратоно геройёслы сӥзем ёрос конкурслы йылпумъянъёс лэсьтӥзы. Егор Кончаловский но Вотка ёрослэн тӧроез Илья Прозоров вормись пиналъёсты синпель кузьымъёсын пусйизы. Нош лыдӟиськоннилэн кивалтӥсезлы Галина Останиналы телевизор басьтыны сертфикат сётӥзы.


Возврат к списку