Версия для слабовидящих
Кун Кенешлэн выль депутатэз луиз Николай Краснопёров

Кун Кенешлэн выль депутатэз луиз Николай Краснопёров

25.03.2019
Кун Кенешлэн выль депутатэз луиз Николай Краснопёров
24-тӥ южтолэзе Удмуртиын ватсаса быръёнъёс ортчизы. Соослэн йылпумъянъёссыя, 19 депутат мандат ворсамын. Ижкарын Кун Кенеше 10 номеро одӥг мандатъем Нефтяной округъя быръёнъёс радъяськизы. Отысь депутат мандат бушаз кылем арын инвожо толэзе Владимир Нельзин ас мылкыд каремезъя депутат ужоскетъёсызлэсь куштӥськемен.
Элькунысьтымы быръёнъёсъя ӧрилэн ивортэмезъя, Нефтяной округын быръёнъёсын «Единая Россия» партилэн ӵектэм кандидатэз Николай Краснопёров вормиз. Со понна Ижкарысь Устинов ёросысь 2 сюрс 700 яке 50,88% бырйисьёс куаразэс сётӥзы. Соин ӵош депутат мандат понна нюръяськизы КПРФ, ЛДПР, «Справедливая Россия» но «Коммунисты Росси» партиосын ӵектэм кандидатъёс.
24-тӥ южтолэзе ватсаса быръёнъёс ортчизы озьы ик Можга, Балезино, Глазов, Камбарка, Красногорск, Сарапул но Шаркан ёросъёсын.
Кызьы вераз быръёнъёсъя элькун комиссилэн тӧроез Виктор Кушко, быръёнъёсын ужазы Удмуртилэн мерлыко палатаысьтыз чакласьёс. Ваньзэ-ӧвӧлзэ участокъёсы 59 чаклась потаз.


Возврат к списку