Уж дурын мерлыко кусыпъёсты азинтонъя но калыклы уже интыяськыны юрттонъя кун программалэн быдэсъяськеменыз тодматскизы
15.03.2019
«Уж дурын мерлыко кусыпъёсты азинтон но калыклы уже интыяськыны юрттон» программалэн быдэсъяськемез сярысь Президиумлэн ёзчиосыз азьын ивортон лэсьтӥз элькунысь мерлыко политикая но ужъя министр Татьяна Чуракова. Солэн верамезъя, элькунамы шоро-куспо уждунлэн быдӟалаез будэ. 2018-тӥ аръя со 31 сюрс 800 манет пала луиз. 2017-тӥ арен ӵошатыса, 10 процентлы бадӟымгес. Дунъёслэсь будэмзэс лыдэ басьтоно ке, уждунлэн быдӟалаез 7 но ӝыны процентлы йылӥз. Приволжск федерал округъя со кыкетӥ лыдпус. Кулэезъя быдэсъясько Росси Азьмуртлэн мае поттэм Указъёсаз сётэм косонъёс – дышетӥсьёслэн, эмчиослэн, культура удысын ужасьёслэн уждунъёссы чаклам радлыкъя будэтӥсько.
Озьы ке но, уждун тырон удысын сюлмаськонъёс вань, пусйиз министр. 2018-тӥ ар кутсконлы 32 огазеяськонъёслэн 3 сюрслэсь ятыр ужасьёссы азьын уждунъя пунэмъёссы вал. Пунэмлэн огъя быдӟалаез – 190 миллион манет. Азьвыл арен ӵошатыса, со 23 процентлы ӧжытгес. 2018-тӥ ар ӵоже, угось, та ласянь бадӟым уж ортчытэмын, ивортӥз Чуракова. Уждунъя пунэмлэн быдӟалаез 56 но ӝыны миллион манетлы кулэстэмын.
Миым бадӟым саклык висъяськиз мерлыко партнёрствоез азинтонлы, пусйиз министр. Со - уж сётӥсьёс но ужасьёс куспын огкылэ вуон, соослэсь тунсыкъёссэс утён тужгес умоез амал.
Уж мынэ ужзэс лушкем нуись адямиосты шараян ласянь. Кылем ар ӵоже 20 сюрс пала сыӵе адямиос вужерысь поттэмын вал, оглюкетэныз соосын ужан огкылъёс юнматэмын, уноез ужбергатӥсь сямен пусйиськизы.
Депутатъёс программалэн быдэсъяськемезлы огъя умой дунъет сётӥзы. Но куд-ог ужпумъёслы нимысьтыз саклык висъяны дэмлазы. Кылсярысь, мерлыко политикая но ветеранъёслэн ужъёссыя ӧрилэн кивалтӥсез Алексей Чернов пусйиз – тужгес ичи уждунлэсь быдӟалазэ будэтыку, ышиз вылӥ квалификациен но дышетскымтэ ужасьёслэн уждунзылэн пӧртэмлыкез. Со шонер ӧвӧл, лыдъя депутат. Комиссия та пумысен кун но муниципал ужъюртъёсын эскерон ортчыны чакла.
Депутат сюлмаськемзэ вераз уж дурын луэм шудтэм учыръёс пумысен но. Кылем ар чоже шаерысьтымы предприятиосын 60 секыт вӧсь луон, 14 кулон учыръёс пусъемын. Азьвыл арын сярысь со тросгес ӧвӧл ке но, югдур мур эскеремез кулэ каре. Та пумысен депутатъёслы вазиськиз Элькунысь ужъя кун инспекцилэн кивалтӥсез Светлана Шевкунова но. Ужъя эрикрадъёсты утёнэн герӟаськем ужпумъёсты со Кун Кенешлэн сессияз поттыны дэмлаз. Президиум та ӵектонлы дурбасьтӥз.
Озьы ке но, уждун тырон удысын сюлмаськонъёс вань, пусйиз министр. 2018-тӥ ар кутсконлы 32 огазеяськонъёслэн 3 сюрслэсь ятыр ужасьёссы азьын уждунъя пунэмъёссы вал. Пунэмлэн огъя быдӟалаез – 190 миллион манет. Азьвыл арен ӵошатыса, со 23 процентлы ӧжытгес. 2018-тӥ ар ӵоже, угось, та ласянь бадӟым уж ортчытэмын, ивортӥз Чуракова. Уждунъя пунэмлэн быдӟалаез 56 но ӝыны миллион манетлы кулэстэмын.
Миым бадӟым саклык висъяськиз мерлыко партнёрствоез азинтонлы, пусйиз министр. Со - уж сётӥсьёс но ужасьёс куспын огкылэ вуон, соослэсь тунсыкъёссэс утён тужгес умоез амал.
Уж мынэ ужзэс лушкем нуись адямиосты шараян ласянь. Кылем ар ӵоже 20 сюрс пала сыӵе адямиос вужерысь поттэмын вал, оглюкетэныз соосын ужан огкылъёс юнматэмын, уноез ужбергатӥсь сямен пусйиськизы.
Депутатъёс программалэн быдэсъяськемезлы огъя умой дунъет сётӥзы. Но куд-ог ужпумъёслы нимысьтыз саклык висъяны дэмлазы. Кылсярысь, мерлыко политикая но ветеранъёслэн ужъёссыя ӧрилэн кивалтӥсез Алексей Чернов пусйиз – тужгес ичи уждунлэсь быдӟалазэ будэтыку, ышиз вылӥ квалификациен но дышетскымтэ ужасьёслэн уждунзылэн пӧртэмлыкез. Со шонер ӧвӧл, лыдъя депутат. Комиссия та пумысен кун но муниципал ужъюртъёсын эскерон ортчыны чакла.
Депутат сюлмаськемзэ вераз уж дурын луэм шудтэм учыръёс пумысен но. Кылем ар чоже шаерысьтымы предприятиосын 60 секыт вӧсь луон, 14 кулон учыръёс пусъемын. Азьвыл арын сярысь со тросгес ӧвӧл ке но, югдур мур эскеремез кулэ каре. Та пумысен депутатъёслы вазиськиз Элькунысь ужъя кун инспекцилэн кивалтӥсез Светлана Шевкунова но. Ужъя эрикрадъёсты утёнэн герӟаськем ужпумъёсты со Кун Кенешлэн сессияз поттыны дэмлаз. Президиум та ӵектонлы дурбасьтӥз.