Версия для слабовидящих
Алексей Прасолов Удмуртиын улӥсьёсты вуись Выль арен но Рождествоен ӟечкылаз

Алексей Прасолов Удмуртиын улӥсьёсты вуись Выль арен но Рождествоен ӟечкылаз

30.12.2018
Выль 2019 ар азьын Кун Кенешлэн Тӧроез Алексей Прасолов шаерамы улӥсьёслы ӟечкылан но сӥзён кылъёсын вазиськиз.
«Та праздникъёс паймымонзэ возьманэн но выжыкылэн тырмемын. Соос асьмеды нош ик пичи дырамы вутто, ӟеч мылкыдъёс кузьмало.
Кошкись ар уно воштӥськонъёс но ӟеч иворъёс ваиз. Со узыр вал пӧртэм ужрадъёсын но учыръёсын.
Асьмеос кужмо Азьмуртэ бырйим, кудӥзлы оскиськом но тодӥськом, со кивалтэм улсын кунмы, соин ӵош Удмуртия но, азинтӥськоз но юнмалоз.
Кошкись арын 25 ар тырмиз Россилэсь Конституцизэ кутэм дырысен. Со адлямиослэсь эрикрадъёссэс быдэсъянлэн но утёнлэн инъетэз луэ, туннэ но ӵуказе нуналлы оскон сётэ. 2019 арын 25 ар тырмонзэ пусъёз Удмуртилэн но Кункатэз.
Вуись ар пусйымон эшшо одӥг бадӟым лыдпусэн. 10 шуркынмонэ 2019 арын 100 ар тырмоз дано пыӵал-тирлык кылдытӥсьлэн Михаил Тимофеевич Калашниковлэн вордӥськемез дырысен. Оскисько, асьмеос кулэезъя пусъём та дано юбилеез, нош вуись ар котькуд адями понна азинлыко но шудбуро луоз, ӟеч сюлмаськонъёсын но ужен тырмоз.
Туннэ Элькунмылэн ваньмыз вань, азьлане мынон, экономиказэ кужмоятон, мерлык удыссэ азинтон понна. Озьыен, азьланяз но шаермы азьмынӥсь улос луоз, кунмылэн утиськонъя но сиён-юонъя инъетэз луоз», - шуэмын Кун Кенешлэн Тӧроезлэн вазиськоназ.
Элькунын улӥсь котькуд адямилы Алексей Прасолов тау каремзэ вераз тыршыса ужамез, вордӥськем Удмуртиез понна сюлмаськемез но солы оскемез понна, юн тазалык, шудбур, малпанъёслы быдэсмон но ӟеч мылкыд сӥзиз.




Возврат к списку