Удмуртилэсь нырысетӥ Азьмуртсэ Александр Волковез буре ваён пул усьтӥзы Глазовын
24.12.2018
Александр Волковлэн вордӥськемез дырысен 67 ар тырмон азьын, 24 толсуре, Глазкарлэн Администрациезлэн юртэз вылэ Удмурт Элькунлэсь нырысетӥ Азьмуртсэ но Глазовлэсь Дано кунмуртсэ буре ваён пул усьтӥськиз.
Александр Александрович Волковез буре вайыны лыктӥзы солэн матысь ӵыжы-выжыосыз – кузпалыз Нина Александровна, пиез Андрей Волков, эшъёсыз, соин ӵош ужам муртъёс.
Буре ваён пулэз усьтон ужрадэ пыриськизы Удмуртиысь Кун Кенешлэн Тӧроез Алексей Прасолов, Росси Федерациысь Федерал Собранилэн Федераци Кенешезлэн ёзчиез Юрий Фёдоров, Кун Кенешлэн Тӧроезлэн нырысетӥ воштӥсез Владимир Невоструев, Глазов кар Думалэн тӧроез Игорь Волков, Глазов кар Администрацилэн тӧроезлэн воштӥсез Ольга Станкевич, Глазов кар Думаысь депутатъёс но отын улӥсьёс.
«Александр Александрович быдӟым адями вал - пайдалыко ужам сяна, со огшоры адямиосын пумиськылыны дыр шедьтылӥз. Со понна калык сое мур гажаз. Со ужан аръёсы Удмуртиын, улон коркаос сяна, туж трос мерлыко юртъёс пуктэмын – школаос, нылпи садъёс, культурая юртъёс, театръёс, черкъёс – ваньмыз 600-лэсь уно. Мон асме шудоен лыдъясько, 20 ар пала Александр Волковен артэ вамышъяны кылдӥз шуыса», - пусйиз Алексей Прасолов.
Нырысетӥ Азьмуртлэн ӟеч ужъёсыз сярысь вераз Кун Кенешлэн Тӧроезлэн нырысетӥ воштӥсез Владимир Невоструев но.
Гуртын уно мерлыко юртъёс ӝутэм сяна, со бадӟым уж лэсьтӥз Элькун гурт шудонъёсты кылдытыса. Быдэс кунамы одӥг но улос ӧвӧл, кытын гуртоослэн такем бадӟым ӵошатсконъёссы ортчыло. Со – гуртын улӥсь но ужась калыкез гажан. Оскисько, нырысетӥ Азьмуртэн кутскем ӟеч йылолъёс азинтэмын луозы»!
Буре ваён пулэз усьтыны дан сётэмын вал Александр Волковлэн пиезлы, Кун Кенешысь депутатлы Андрей Волковлы но Глазкар Администрацилэн тӧроезлэн мерлык ужпумъёсъя воштӥсезлы Ольга Станкевичлы.
«Туж шумпотымон, Александр Александровичез буре ваён нырысетӥез пул ӵапак Глазовын усьтӥське шуыса, - вераз Андрей Волков. – Татын атаелэн ужан сюресэз кутскиз. Адями сярысь тодэ ваёнъёс улытозь, со ачиз но улэп».
«Глазов кар» муниципал кылдытэтлэн Администрациезлэн пресс-службаезлэн материалъёсызъя.
Александр Александрович Волковез буре вайыны лыктӥзы солэн матысь ӵыжы-выжыосыз – кузпалыз Нина Александровна, пиез Андрей Волков, эшъёсыз, соин ӵош ужам муртъёс.
Буре ваён пулэз усьтон ужрадэ пыриськизы Удмуртиысь Кун Кенешлэн Тӧроез Алексей Прасолов, Росси Федерациысь Федерал Собранилэн Федераци Кенешезлэн ёзчиез Юрий Фёдоров, Кун Кенешлэн Тӧроезлэн нырысетӥ воштӥсез Владимир Невоструев, Глазов кар Думалэн тӧроез Игорь Волков, Глазов кар Администрацилэн тӧроезлэн воштӥсез Ольга Станкевич, Глазов кар Думаысь депутатъёс но отын улӥсьёс.
«Александр Александрович быдӟым адями вал - пайдалыко ужам сяна, со огшоры адямиосын пумиськылыны дыр шедьтылӥз. Со понна калык сое мур гажаз. Со ужан аръёсы Удмуртиын, улон коркаос сяна, туж трос мерлыко юртъёс пуктэмын – школаос, нылпи садъёс, культурая юртъёс, театръёс, черкъёс – ваньмыз 600-лэсь уно. Мон асме шудоен лыдъясько, 20 ар пала Александр Волковен артэ вамышъяны кылдӥз шуыса», - пусйиз Алексей Прасолов.
Нырысетӥ Азьмуртлэн ӟеч ужъёсыз сярысь вераз Кун Кенешлэн Тӧроезлэн нырысетӥ воштӥсез Владимир Невоструев но.
Гуртын уно мерлыко юртъёс ӝутэм сяна, со бадӟым уж лэсьтӥз Элькун гурт шудонъёсты кылдытыса. Быдэс кунамы одӥг но улос ӧвӧл, кытын гуртоослэн такем бадӟым ӵошатсконъёссы ортчыло. Со – гуртын улӥсь но ужась калыкез гажан. Оскисько, нырысетӥ Азьмуртэн кутскем ӟеч йылолъёс азинтэмын луозы»!
Буре ваён пулэз усьтыны дан сётэмын вал Александр Волковлэн пиезлы, Кун Кенешысь депутатлы Андрей Волковлы но Глазкар Администрацилэн тӧроезлэн мерлык ужпумъёсъя воштӥсезлы Ольга Станкевичлы.
«Туж шумпотымон, Александр Александровичез буре ваён нырысетӥез пул ӵапак Глазовын усьтӥське шуыса, - вераз Андрей Волков. – Татын атаелэн ужан сюресэз кутскиз. Адями сярысь тодэ ваёнъёс улытозь, со ачиз но улэп».
«Глазов кар» муниципал кылдытэтлэн Администрациезлэн пресс-службаезлэн материалъёсызъя.