Александр Бречалов «Удмурт Элькунын югдур сярысь» арлы быдэ лэсьтӥськись докладэн тодматӥз
25.12.2018
Туннэ Алексей Прасолов кивалтэм улсын ортчиз Кун Кенешлэн азьвыл чакламтэ сессиез. Кенешонын арлы быдэ лэсьтӥськись «Удмурт Элькунын югдур сярысь» докладэн тодматӥз Удмуртилэн Тӧроез Александр Бречалов.
Улослэн кивалтӥсез пыр-поч вераз Элькунлэн йӧскалык проектъёсы пыриськемез сярысь.
«Асьмеос али огъя ортчись воштӥськонъёс пушкын улӥськом. Соос улонлэсь вань ӧръёссэ выльдо – нимаз адмиослэн улонзы дорысен кун но калыккуспо кусыпъёсы пыро. Воштӥськонъёс вань удысъёсын шӧдскымон азинсконъёс вайыны кулэ: экономикаын, тазалыкез утёнын, дышетонын, культураын, котькуд адямилэн улон ӟечлыкез вылын. Воштӥськонъёслэн ӝоглыксы ялан будоз. Со воштӥськонъёсы пыриськеммы бордысь потоз Удмурт Элькунлэн но огъя Россилэн азьлань улонзы», - шуиз со.
Александр Бречалов пусйиз кошкись арлэсь йылпумъянъёссэ, кудъёсыз бордысь пото 2019-тӥ арын кутоно решениос.
2018 арын, 2017 сямен ик, быдэстэмын Россиысь коньдон ужпумъёсъя министерствоен тупатэм Огкыллэн куронъёсыз. Соос Элькунлы висъяно дотациосын но бюджет кредитъёсты берыктон амалъёсын герӟаськемын. Элькунлэн Тӧроез умоен пусйиз басьяськон ужъёсты «одӥг укно» амалэн радъянэз. Со 1 миллиард манет пала коньдонэз шыръяны луонлык сётиз.
«2019 арын 1 толшорысен муниципал кылдытэтъёслэн 100 сюрс манетлэсь дуногес сылӥсь вань басьяськонъёссы ортчылозы басьяськонъя Улосвыл центр пыр. Соин валче Кивалтэт азе ужпум пуктӥсько: 100 сюрс манетлэсь дунтэмгес но басьяськонъёсты огъя центр пыр ортчытъяно», - будэтӥз Удмуртилэн Тӧроез.
Александр Бречалов саклык висъяз утиськонъя огъетысь предприятиослэн ужамзылы. Умоен пусйиз Азьмуртлэн грантъёсъя Фондэныз ужез, сюрес возёслэсь азинсконъёссэ.
Торо пыр-поч вераз Элькунлэн йоскалык проектъёсы пыриськемез сярысь. «7 куартоэзе Владимир Путинлэн Указэз потиз. Соин Россилэн Кивалтэтэз азе мерлык но экономика удысъёсысь 12 оръёсъя 9 йоскалык ужпумъёс пуктэмын. Соосты 2024 арозь быдэстыны косэмын. Со понна 64 йоскалык проектъёс дасямын. Удмуртия соос полысь 50-аз пыриськоз», - шуиз со.
«2019 ар чутрак воштиськонъёс ваёз. Асьмеос – огъя команда. Ужпуммы одиг – Удмуртиысь калыклэн зеч улонэз! Со сярысь вунэтоно овол», - пусйиз Александр Бречалов.
Улослэн кивалтӥсез пыр-поч вераз Элькунлэн йӧскалык проектъёсы пыриськемез сярысь.
«Асьмеос али огъя ортчись воштӥськонъёс пушкын улӥськом. Соос улонлэсь вань ӧръёссэ выльдо – нимаз адмиослэн улонзы дорысен кун но калыккуспо кусыпъёсы пыро. Воштӥськонъёс вань удысъёсын шӧдскымон азинсконъёс вайыны кулэ: экономикаын, тазалыкез утёнын, дышетонын, культураын, котькуд адямилэн улон ӟечлыкез вылын. Воштӥськонъёслэн ӝоглыксы ялан будоз. Со воштӥськонъёсы пыриськеммы бордысь потоз Удмурт Элькунлэн но огъя Россилэн азьлань улонзы», - шуиз со.
Александр Бречалов пусйиз кошкись арлэсь йылпумъянъёссэ, кудъёсыз бордысь пото 2019-тӥ арын кутоно решениос.
2018 арын, 2017 сямен ик, быдэстэмын Россиысь коньдон ужпумъёсъя министерствоен тупатэм Огкыллэн куронъёсыз. Соос Элькунлы висъяно дотациосын но бюджет кредитъёсты берыктон амалъёсын герӟаськемын. Элькунлэн Тӧроез умоен пусйиз басьяськон ужъёсты «одӥг укно» амалэн радъянэз. Со 1 миллиард манет пала коньдонэз шыръяны луонлык сётиз.
«2019 арын 1 толшорысен муниципал кылдытэтъёслэн 100 сюрс манетлэсь дуногес сылӥсь вань басьяськонъёссы ортчылозы басьяськонъя Улосвыл центр пыр. Соин валче Кивалтэт азе ужпум пуктӥсько: 100 сюрс манетлэсь дунтэмгес но басьяськонъёсты огъя центр пыр ортчытъяно», - будэтӥз Удмуртилэн Тӧроез.
Александр Бречалов саклык висъяз утиськонъя огъетысь предприятиослэн ужамзылы. Умоен пусйиз Азьмуртлэн грантъёсъя Фондэныз ужез, сюрес возёслэсь азинсконъёссэ.
Торо пыр-поч вераз Элькунлэн йоскалык проектъёсы пыриськемез сярысь. «7 куартоэзе Владимир Путинлэн Указэз потиз. Соин Россилэн Кивалтэтэз азе мерлык но экономика удысъёсысь 12 оръёсъя 9 йоскалык ужпумъёс пуктэмын. Соосты 2024 арозь быдэстыны косэмын. Со понна 64 йоскалык проектъёс дасямын. Удмуртия соос полысь 50-аз пыриськоз», - шуиз со.
«2019 ар чутрак воштиськонъёс ваёз. Асьмеос – огъя команда. Ужпуммы одиг – Удмуртиысь калыклэн зеч улонэз! Со сярысь вунэтоно овол», - пусйиз Александр Бречалов.