Удмуртилэн кунлыкезлы 100 ар тырмонэз пусъёнын Россиысь кивалтэт юрттыны быгатоз
06.11.2018
Россиысь кивалтэт Удмуртилэн кунлыкезлы 100 ар тырмонэз пусъёнлы юрттэт сётыны быгатоз. Со сярысь ивортӥзы элькун Тӧролэн Александр Бречаловлэн кивалтэмез улсын ортчем оргкомитетлэн кенешоназ. Отчы пыриськизы Кун Кенешысь депутатъёс.
Котырес лыдпуслы сӥзем ужрадъёсты ортчытыны юрттон сярысь Россиысь кивалтэтлэн тӧроезлэн воштӥсезлэн Виталий Мутколэн Удмуртилэн тӧроезлы Александр Бречаловлы вазиськем нимлыко гожтэтаз верамын.
Туннэ нуналлы Удмуртиысь кивалтэт котырес лыдпус улсын ортчоно ужрадъёсын план дасяз но отын пусъем ужрадъёсты быдэстон понна элькунысь Коньдон ужпумъёсъя министерствоез 2019-тӥ арлы но 2020-тӥ но 201-тӥ аръёслы чаклам бюджетын уксё чакланы куриз. Удмуртиысь Йӧскалык политикая министерство Россиысь Коньдон ужпумъёсъя министерствое вуоно арын улосвыллы 203 миллион 908 сюрс манет кулэ шуыса ивортодэт келяз.
Со сяна, пумиськон улсын ӧрилэн ёзчиосыз праздниклы дасяськонзы сярысь ивортӥзы. Печатъя но калыке ивортодэт вӧлмытонъя агентстволэн кивалтӥсез Алексей Воронцов улӥсьёсты котырес лыдпус улсын ортчоно ужрадъёсын тодматонъя медиаплан сярысь вераз. Чеберлыко киужъёсъя элькун юртлэн праздниклы лэсьтэм синпельёсын каталогеныз ужъюртлэн кивалтӥсез Юлия Железняк тодматӥз. Дырпусъя чаклам ужрадъёс сярысь Удмуртиысь йӧскалык политикая министр Лариса Буранова ивортӥз.
Тодэ вайытом, Удмуртилэн кунлыкезлы 100 ар тырмонэз пусъёнэз радъясь ӧри ар талэсь азьвыл кылдытэмын вал. Отчы котькуд мылкыд карись пыриськыны быгатэ. Та дыре тодмо ни, кыӵе валтӥсь ужрадъёс котырес лыдпусэз пусъён улсын ортчозы.
Ивор дасямын "Удмуртия" ивортодэтъя агентство юрттэмъя.
Котырес лыдпуслы сӥзем ужрадъёсты ортчытыны юрттон сярысь Россиысь кивалтэтлэн тӧроезлэн воштӥсезлэн Виталий Мутколэн Удмуртилэн тӧроезлы Александр Бречаловлы вазиськем нимлыко гожтэтаз верамын.
Туннэ нуналлы Удмуртиысь кивалтэт котырес лыдпус улсын ортчоно ужрадъёсын план дасяз но отын пусъем ужрадъёсты быдэстон понна элькунысь Коньдон ужпумъёсъя министерствоез 2019-тӥ арлы но 2020-тӥ но 201-тӥ аръёслы чаклам бюджетын уксё чакланы куриз. Удмуртиысь Йӧскалык политикая министерство Россиысь Коньдон ужпумъёсъя министерствое вуоно арын улосвыллы 203 миллион 908 сюрс манет кулэ шуыса ивортодэт келяз.
Со сяна, пумиськон улсын ӧрилэн ёзчиосыз праздниклы дасяськонзы сярысь ивортӥзы. Печатъя но калыке ивортодэт вӧлмытонъя агентстволэн кивалтӥсез Алексей Воронцов улӥсьёсты котырес лыдпус улсын ортчоно ужрадъёсын тодматонъя медиаплан сярысь вераз. Чеберлыко киужъёсъя элькун юртлэн праздниклы лэсьтэм синпельёсын каталогеныз ужъюртлэн кивалтӥсез Юлия Железняк тодматӥз. Дырпусъя чаклам ужрадъёс сярысь Удмуртиысь йӧскалык политикая министр Лариса Буранова ивортӥз.
Тодэ вайытом, Удмуртилэн кунлыкезлы 100 ар тырмонэз пусъёнэз радъясь ӧри ар талэсь азьвыл кылдытэмын вал. Отчы котькуд мылкыд карись пыриськыны быгатэ. Та дыре тодмо ни, кыӵе валтӥсь ужрадъёс котырес лыдпусэз пусъён улсын ортчозы.
Ивор дасямын "Удмуртия" ивортодэтъя агентство юрттэмъя.