Удмуртилэн 2019-тӥ арлы коньдэтэзлэн ӵектосэзъя калык кылзонъёс ортчозы
02.11.2018
Удмуртиын 2019-тӥ арлы элькун коньдэтлэн ӵектосэзъя калык кылзонъёс ортчозы. Сыӵе пумкылъян кутӥзы улосвылысь Кун Кенешлэн президиумезлэн Алексей Прасолов кивалтэм улсын ортчем кенешоназ.
Калык кылзонъёс очной но заочной амалэн радъяськозы. Заочной люкетэз 10-тӥ шуркынмонозь кыстӥськоз. Та дыре элькунын улӥсьёс коньдэтлэн ӵектосэз пумысен асьсэлэсь дэмланъёссэс коньдэтъя, вытъёсъя но коньдон ужпумъёсъя ялан ужась ӧрие сётыны быгато.
Очной кылзонъёс 13-тӥ шуркынмонлы чакламын. Соос элькун парламентлэн кенешон залаз 10 часын кутскозы.
«Калык кылзонъёс Удмурт Элькунлэн коньдэтэзлэн валтӥсь лыдпусъёсыныз тодматон но шаерам улӥсьёслэсь мылкыдзэс тодон понна радъясько», - шуиз
Удмуртилэн Кун Кенешысьтыз коньдэтъя, вытъёсъя но коньдон ужпумъёсъя ялан ужась ӧрилэн тӧроез Юрий Тюрин.
Солэн кылъёсызъя, калык кылзонъёсты ортчытэм бере, элькун парламент но Удмуртиысь кивалтэт йылпумъян протокол дасялозы, сое Кун Кенешысь депутатъёс 27-тӥ шуркынмонэ сессиязы юнматозы. Со нуналэ ик «Удмурт Элькунлэн 2019-тӥ арлы но 2020-тӥ но 2021-тӥ аръёслы чаклам коньдэтэз сярысь» катлэсь ӵектоссэ нырысетӥ лыдӟемен эскерозы.
Калык кылзонъёс очной но заочной амалэн радъяськозы. Заочной люкетэз 10-тӥ шуркынмонозь кыстӥськоз. Та дыре элькунын улӥсьёс коньдэтлэн ӵектосэз пумысен асьсэлэсь дэмланъёссэс коньдэтъя, вытъёсъя но коньдон ужпумъёсъя ялан ужась ӧрие сётыны быгато.
Очной кылзонъёс 13-тӥ шуркынмонлы чакламын. Соос элькун парламентлэн кенешон залаз 10 часын кутскозы.
«Калык кылзонъёс Удмурт Элькунлэн коньдэтэзлэн валтӥсь лыдпусъёсыныз тодматон но шаерам улӥсьёслэсь мылкыдзэс тодон понна радъясько», - шуиз
Удмуртилэн Кун Кенешысьтыз коньдэтъя, вытъёсъя но коньдон ужпумъёсъя ялан ужась ӧрилэн тӧроез Юрий Тюрин.
Солэн кылъёсызъя, калык кылзонъёсты ортчытэм бере, элькун парламент но Удмуртиысь кивалтэт йылпумъян протокол дасялозы, сое Кун Кенешысь депутатъёс 27-тӥ шуркынмонэ сессиязы юнматозы. Со нуналэ ик «Удмурт Элькунлэн 2019-тӥ арлы но 2020-тӥ но 2021-тӥ аръёслы чаклам коньдэтэз сярысь» катлэсь ӵектоссэ нырысетӥ лыдӟемен эскерозы.