Версия для слабовидящих
Ижкарлы тӧрое Олег Бекмеметьевез бырйизы

Ижкарлы тӧрое Олег Бекмеметьевез бырйизы

18.10.2018
Ижкарлы тӧрое Олег Бекмеметьевез бырйизы
Ижкарлэн тӧроез луиз азьвыл Глазкарлэн кивалтӥсез 50 аресъем Олег Бекмеметьев. 18-тӥ коньывуонэ Удмуртилэн шоркарезлы тӧрое сое бырйизы Кар думаысь депутатъёс азьвыл чакламтэ сессиязы. Ужрадэ пыриськизы Кун Кенешлэн тӧроез Алексей Прасолов но элькун парламентлэн кивалтӥсезлэн нырысетӥ воштӥсез Владимир Невоструев.
Олег Бекмеметьев понна куаразэс сётӥзы 37 депутатъёс. Виктор Шестаковлы 1 адями дурбасьтӥз. Куара сётонэ ваньмыз 38 депутат пыриськиз.
Ижкарлэн выль тӧроез ужоскетъёссэ ӵуказеысен, 19-тӥ коньывуонысен, быдэсъяны кутскоз.
Кун Кенешлэн тӧроез Алексей Прасолов Олег Бекмеметьевез выль ужудысэныз ӟечкылаз но азинсконъёс сӥзиз.

Олег Николаевич Бекмеметьев 3-тӥ южтолэзе 1968-тӥ арын Глазкарын вордскиз. Ижкарысь механикая кун институтэз («Инженер-технолог» ӧнеръя) но Кунсьӧр вузкаронъя огъяросси академиез («Англи кылэз тодонэн дунне экономика» ӧнеръя) йылпумъяз. 1986-1988 аръёсы ракетной войскоосын служба нуиз, 1993-2015 аръёсы Механикая чупчи заводын (инженер-технологысен кивалтӥсез воштӥсёзь) ужаз. 2015-тӥ арын куарусёнэ Глазкарлэн кивалтӥсез интые быръемын.

Возврат к списку