Версия для слабовидящих
Алексей Прасолов арлыдоослэн нуналэнызы ӟечкылаз

Алексей Прасолов арлыдоослэн нуналэнызы ӟечкылаз

01.10.2018
Алексей Прасолов арлыдоослэн нуналэнызы ӟечкылаз
Нырысетӥ коньывуонэ Россиын пусъё арлыдоослэсь нуналзэ. Удмурт Элькунысь Кун Кенешлэн Тӧроез Алексей Прасолов шаерамы улӥсьёсты та праздникен ӟечкылаз:
«Гажано ветеранъёс! Гажано арлыдоос!
Котькуд семьялы кужым сёто но бурдъяло выжыос сярысь тодэ ваёнъёс, матысьёссэ яратон. Соослэн улэмзы но ужамзы бордысь кылдэмын туала улон.
Тӥ Быдӟым ожын Атыкай музъеммы понна ожмаськиды, фронт мышкын ужады, куашкатэм кунэз ӝутӥды. Тӥляд тыршеменыды но сюлмаськеменыды ӝутӥськизы городъёс, азинскизы гуртъёс, наукаын выль усьтонъёс шараяськизы. Асьтэ тодон-валанъёстэс тӥ сётӥськоды нылпиослы но соослэн нылпиоссылы, озьы ваньзэс одӥг гердэ огазеяськоды. Пӧртэм шуг-секытъёс пыр потыса но тӥ утиды ӟечезлы оскондэс. Ӵапак та сям куддыр уг тырмы егитъёслы.
Арлыдоослэн нуналзы - со ужамды, сюлмаськемды, вордскем шаердэс яратэмды, визьды понна сюлмысь тау карыны луонлык сётӥсь нунал. Сӥзисько тӥледлы юн тазалык, капчи мылкыд, семьяяды шуд но умой улон! Таза луэ, кема но шудо улэ!»

Возврат к списку