Версия для слабовидящих
Выль ФАП пуктозы таяз арын Удмуртиысь Норья черкогуртын

Выль ФАП пуктозы таяз арын Удмуртиысь Норья черкогуртын

30.08.2018
Выль ФАП пуктозы таяз арын Удмуртиысь Норья черкогуртын
Пичи Пурга ёросысь Норья черкогуртын таяз арын фельдшер-акушер пункт пуктозы. Азьвыл чакламтэ лэсьтӥськонлы элькун коньдэтысь 5 миллион 700 сюрс манет висъязы. Со сярысь 28-тӥ гудырикошконэ вераз улосвылысь Кун Кенешлэн тӧроез Алексей Прасолов.
Али ужась эмъяськоннилэн пу юртэзлы 100 арлэсь трос ни. Со каллен сылме но сантирной но гигиеная эсэпъёслы но кышкыттэмлыкъя куронъёслы уг тупа.
«Удмуртиысь кивалтэтлы но элькунлэн тӧроезлы тау карон кылъёс вераме потэ. Норьялы таяз арын коньдон висъяны луонлык шедьтӥзы. Туж потэ вылэм, та эмъюрт таяз арын ик ужаны мед кутскоз ни шуыса», - вераз Алексей Прасолов.
Проектно-изыскательной ужъёсты ортчытӥзы ни.
«Таӵе ик участковой эмъюрт луоз, быдӟалаезъя, ужасьёслэн лыдзыя сыӵе ик луоз. Мон малпасько, со сыӵе ик ужъёсты быдэсъялоз, кудъёсыз отын али вань», - вераз Норья муниципал кылдытэтлэн тӧроез Николай Зайцев.
Ватсалом, азьвыл эмъюртын пинь эмъясьлэн кабинетэз но ужа вал. Но висъет ярантэмен сэрен туэ тулыспалэ кабинетэз пытсазы. Выль юртын ӧнерчи нош ик ужалозы шуыса чаклало.
Туннэ эмъюртэ Норья черкогуртысь но артысь гуртъёсысь 1 сюрс 200 пала адями ветлэ.
Ивор дасямын "Удмуртия" ивортодэтъя агентство юрттэмъя.

Возврат к списку