Удмуртиын пенсие потон арлыдэз воштон пумысен кенешон ортчиз

Эгра черкогуртын «Единая Россия» партилэн элькунысь уйпал ёросъёсысь ёзчиосыз пенсия системалэсь ужзэ эскеризы. Пумиськон ортчиз котырес ӝӧк сьӧрын. Кенешонэз нуиз Кун Кенеш Тӧролэн нырысетӥ воштӥсез, партилэн Удмурт ёзэзлэн секретарез Владимир Невоструев.

Ужрадэ озьы ик пыриськизы ужъя, мерлык политикая но ветеранъёслэн ужъёссыя ялан ужась ӧриен кивалтӥсь Алексей Чернов, Пенсиосъя фондлэн элькун ёзэныз кивалтӥсь Алексей Бельтюков, интыысь ёзъёслэн секретарьёссы.

Кызьы вераз Владимир Невоструев, берло аръёсы пенсия система сярысь юанъёслэн кулэлыкез будӥз, малы ке шуоно, улонлэн кузьдалаез будэ, ужась калыклэн лыдэз кулэсме, ужась пенсионеръёслэн лыдзы будэ. Озьы ик, асьме кунамы пенсие потон арлыд одӥгез тужгес но улынэз, мукет кунъёсын ӵошатыса. Единая Россия» люкалоз ӵектонъёсты, кудъёсыз юрттозы пенсия системаын воштӥськонъёслы радызъя ортчыны, калыклэсь малпанъёссэ кылзыса но лыдэ басьтыса.

«Вань инициативаос эскериськозы асьмелэн фракциен Кун Думаын, малы ке шуоно, пенсия системаен герӟаськем юанъёс котькуд адямилэн улоназ бадӟым инты басьто», - шуиз Владимир Невоструев.

Таӵе вераськон площадкаос таяз арняын ортчозы на. Вань дэмланъёсты матысь дыре келялозы Кун Думае.