Кун Кенешлэн куатетӥ сессияз 23 кат ӵектосъёсты эскеризы
26.06.2018
26-тӥ июне Алексей Прасолов кивалтэм улсын ортчиз Кун Кенешлэн 6-тӥ сессиез. Эскеремын 32 ужпум, 23-эз — элькун законъёслэн проектъёссы. Кенешонэ пыриськиз Правительстволэн Тӧроез Ярослав Семёнов.
Кун Кенешлэн Тӧроез Алексей Прасолов сессиез кутскиз ӟечкыланэн. 80 ар талэсь азьло ӵапак 26-тӥ июне нырысьсэ быръемын вал УАССР-ысь Верховной Совет.
Депутатъёс воштонъёс пыртӥзы 2018-тӥ арлы «Бюджет сярысь» законэ. Шумпотымон: казналэн доход но, расход но люкетъёсыз йылтэмын.
Коньдон ужпумъёсъя министр Станислав Евдокимов валэктӥз:
— Россилэн бюджетысьтыз целевой уксё вуыны кулэ. Со сяна, пунэмаськонъёсмылэсь процентъёссэс пичигес кельтыны быгатэменымы, коньдон шыръяськиз.
Озьы оглом 1,198 миллиард манет люкылэмын пӧртэм министерствоос но ведомствоос куспын: 263 миллионэз — кун учреждениосты возёнлы, 904 миллион манетэз — куд-ог программаосты 3-тӥ кварталын азинтонлы.
Станислав Евдокимов пыр-поч вераз, кыӵе министерствоос марлы но кӧня басьтозы:
— Тазалыкез утёнъя министерстволы 10 миллион манет висъяськоз адямиосты секыт операциос бере йӧнатонлы, 41 миллион — эмъюм басьтонлы, 47 миллион — секыт висисьёслы юрттэт сётонлы, — шуиз со. — Озьы ик 27 миллион манет вуоз Киясаын Гурт шудонъёслы стадионэз вуттонэ, 128 миллион манет — транспортэн мынӥсь-ветлӥсьёслы льготаос сётонлы но мукет.
Списокын Дышетонъя но наукая министерство но. Нырысетӥ лыдӟемен юнматыку, 145 миллион манет учкемын вал 2-тӥ паларе нылпи садъёсы, школаосы ветлӥсь пиналъёсты сюдонлы но анай-атайёслы компенсация тыронлы. Но 2-тӥ лыдӟемен юнматон азьын ӵектон вуиз Удмуртилэн Тӧроезлэсь — 65 миллион манет ватсано дышетон организациосты 1-тӥ сентябрьлы дасянлы но. Депутатъёс таӵе дэмланэн огкылысь кариськизы.
Воштонъёс пыртэм бере бюджетлэн доход люкетэз 69,922 миллиард манет луиз, расходъёсыз 70,233 миллиард манетозь йылӥзы, дефицитэз — 311,6 миллион манет.
Кун Кенешлэн Тӧроез Алексей Прасолов сессиез кутскиз ӟечкыланэн. 80 ар талэсь азьло ӵапак 26-тӥ июне нырысьсэ быръемын вал УАССР-ысь Верховной Совет.
Депутатъёс воштонъёс пыртӥзы 2018-тӥ арлы «Бюджет сярысь» законэ. Шумпотымон: казналэн доход но, расход но люкетъёсыз йылтэмын.
Коньдон ужпумъёсъя министр Станислав Евдокимов валэктӥз:
— Россилэн бюджетысьтыз целевой уксё вуыны кулэ. Со сяна, пунэмаськонъёсмылэсь процентъёссэс пичигес кельтыны быгатэменымы, коньдон шыръяськиз.
Озьы оглом 1,198 миллиард манет люкылэмын пӧртэм министерствоос но ведомствоос куспын: 263 миллионэз — кун учреждениосты возёнлы, 904 миллион манетэз — куд-ог программаосты 3-тӥ кварталын азинтонлы.
Станислав Евдокимов пыр-поч вераз, кыӵе министерствоос марлы но кӧня басьтозы:
— Тазалыкез утёнъя министерстволы 10 миллион манет висъяськоз адямиосты секыт операциос бере йӧнатонлы, 41 миллион — эмъюм басьтонлы, 47 миллион — секыт висисьёслы юрттэт сётонлы, — шуиз со. — Озьы ик 27 миллион манет вуоз Киясаын Гурт шудонъёслы стадионэз вуттонэ, 128 миллион манет — транспортэн мынӥсь-ветлӥсьёслы льготаос сётонлы но мукет.
Списокын Дышетонъя но наукая министерство но. Нырысетӥ лыдӟемен юнматыку, 145 миллион манет учкемын вал 2-тӥ паларе нылпи садъёсы, школаосы ветлӥсь пиналъёсты сюдонлы но анай-атайёслы компенсация тыронлы. Но 2-тӥ лыдӟемен юнматон азьын ӵектон вуиз Удмуртилэн Тӧроезлэсь — 65 миллион манет ватсано дышетон организациосты 1-тӥ сентябрьлы дасянлы но. Депутатъёс таӵе дэмланэн огкылысь кариськизы.
Воштонъёс пыртэм бере бюджетлэн доход люкетэз 69,922 миллиард манет луиз, расходъёсыз 70,233 миллиард манетозь йылӥзы, дефицитэз — 311,6 миллион манет.