Версия для слабовидящих
Школаосты выль дышетскон арлы дасян ужпумез эскеризы

Школаосты выль дышетскон арлы дасян ужпумез эскеризы

14.06.2018
Школаосты выль дышетскон арлы дасян ужпумез эскеризы
Али гинэ кутскизы гужем каникулъёс, нош элькунмы дасяське ни выль дышетскон арлы. Дышетонъя но наукая министерстволэн ивортэмезъя, туннэ нуналлы республикаямы 1 сюрс 343 дышетон организациос пусъемын. Со пӧлысь 583-ез — школаос, 605-ез — нылпи садъёс, 45-ез организация выре профессиослы дышетонэн, 97-ез — ватсаса тодон-валан сётонэн.
Кызьы мынэ дасяськон выль дышетскон арлы — элькун Тӧро, Правительство нимысьтыз чакласа возё. 15-тӥ августлы вань дышетон организациос нылпиосты кутыны дась луыны кулэ. Дышетонъя но наукая министр Светлана Болотникова верамъя, быдэстоно ужпумъёс ӧжыт ӧвӧл — Роспотребнадзорлэн но, Госпожнадзорлэн но куронъёссы чурытэсь. Соосты быдэстон понна ог 200 миллион манет кулэ луоз. Туннэ нуналлы элькун бюджетын 45 миллион манет гинэ чакламын.
Та ужпум эскеремын Кун Кенешлэн Президиумаз.
«Министр Светлана Болотникова элькунысь вань дышетон организациосъя югдурез туж умой тодэ, — Президиум бере журналистъёслы мылкыдзэ вераз Кун Кенешлэн Тӧроез Алексей Прасолов. — Сюлмаськытӥсь ужпумъёсты дыраз сэрттон-пертчон вылысь ик выль дышетскон арлы вазьгес дасяськыны кутским — нылпиос дышетскыны дыраз мед мынозы. Нош кытысь уксё кароно — амалъёс утчано Правительствоен ӵош».

Возврат к списку