Ижкарын улӥсьёс Ялан ӝуась тыл доры сяська керттэтъёс понӥзы
09.05.2018
Туннэ быдэс кунмы пусъе Вормон Нуналэз. Шаерысьтымы каръёсын но черкогуртъёсын митингъёс но концертъёс ортчо.
Вазь ӵукнаысен улосчиосмы дыртӥзы Ижысь Ялан ӝуась тыл доры. Ижын улисьёсын ӵош ужрадэ пыриськизы Удмурт элькунлэн Тӧроез Александр Бречалов, Кун Кенеш Тӧролэн нырысетӥ воштӥсез Владимир Невоструев, Кун Кенеш Тӧролэн воштӥсез Надежда Михайлова, Кивалтэтлэн Тӧроез Ярослав Семёнов, элькун парламентысь депутатъёс. Элькунмылэн но пӧртэм огазеяськонъёслэн кивалтӥсьёссы буре вайизы Быдӟым ожын вань быремъёсыз но Вормемъёслы сӥзем синпелет доры сяська керттэтъёс
понӥзы. Войнаын быремъёсты буре вайизы минут ӵоже чус улонэн.