Алексей Прасолов ӟечкылаз Удмуртиыын улӥсьёсты Вормон нуналэн
08.05.2018
Кун Кенешлэн Тӧроез Алексей Прасолов элькунын улӥсьёсты Вормон нуналэн ӟечкылаз.
«Гажано эшъёс!
Быдӟым Вормон – шаермы понна бадӟым нунал. Асьмеос данъяськыса тодамы вайиськомы историмес, песятайёсмылэсь кышкасьтэм луэмзэс, тау кылъёс вераськомы ваньмызлы, кин улонзэ, тазалыксэ ӧз жаля эрикмы понна. Удмуртия трос кужымзэ сётӥз вормон понна. Фронтэ 360 сюрслэсь трос адямиос кошкизы, 145 сюрс палаез ож бусые кылизы. Уно сюрс нылкышноос, пиналъёс вормонэз дуризы бусыын, станок сьӧрын. Ижысь заводъёсын ог 11 миллион ож тӥрлык бичазы. Туж секыт аръёсы Ижысен Балезиноозь чугун сюрес лэсьтэмын. Быдӟым ожлэн тылыз одӥг семьяез но сутытэк ӧз ортчы, котькуд коркан утьыса возё со секыт вакытъёс сярысь тодэ ваёнъёсты. Туннэ асьмеос ваньмы ӵош сюлмаськыны кулэ, тодэ ваёнъёс пиналъёсмылы мед кылёзы шуыса. Та быдӟым нуналэ вань сюлмысьтым сӥзисько юн тазалык, шудбур, йыр вадьсамы чагыр инбам!».