Версия для слабовидящих
Удмуртиысь Кун Кенеш Артём Николаевлэсь кандидатуразэ элькун прокурорлэн интыужаз соглаштӥз

Удмуртиысь Кун Кенеш Артём Николаевлэсь кандидатуразэ элькун прокурорлэн интыужаз соглаштӥз

18.04.2018
Удмуртиысь Кун Кенешысь депутатъёс Алексей Прасолов кивалтэм улсын азьвыл чакламтэ сессиын Артём Николаевлэсь кандидатуразэ элькун прокурорлэн интыужаз соглаштӥзы. Лушкем куара сётыса, солы дурбасьтэмзэ веразы ваньзы ик сессие лыктэм 47 депутатъёс.
Улосвылысь парламентарийёсты Артём Николаевен тодматӥз Россиысь Валтӥсь прокуратуралэн Приволжск федерал округъя управлениелэн кивалтӥсезлэн воштӥсез Евгений Панчук. Удмуртиысь Кун Кенешлэн Тӧроез Алексей Прасолов элькун парламент прокуратураысь ёзэсъёсын валче ужанзэ азьланяз но юнматоз шуыса оскемзэ вераз. Озьы ивортӥз, улосвыллэн Тӧроез Александр Бречалов 17-тӥ оштолэзе Артём Николаевлэсь кандидатуразэ соглаштон сярысь косэтэз кинюртӥз шуыса. Удмуртилэн Кункатэзъя, прокурорез юнматонэз элькун парламент но улосвыл Тӧро соглашто. Со юнматӥське кунысь Валтӥсь прокурорлэн ӵектэмезъя Россилэн азьмуртэзлэн косэтэныз.
Тодады вайытом, 2008-тӥ арысен Удмуртилэн прокурорез интыын ужа Сергей Панов.

Возврат к списку