Версия для слабовидящих
Алексей Прасолов калыкен пумиськиз

Алексей Прасолов калыкен пумиськиз

12.04.2018
Росси Президентлэн Владимир Путинлэн элькунысь общественной приёмнояз Кун Кенешлэн Тӧроез Алекей Прасолов калыкен пумиськон ортчытӥз. Адямиос лыктӥзы пӧртэм юанъёсын. Дэри ёросысь Постол черкогуртын улӥсьёс Алексей Прасоловлэсь юрттэт куризы гуртазы выль школа-нылпи сад пуктыны. Соос веразы, Постолын школа музей кадь адӟиське - борддоръёсыз вужмемын, фундаментэз тӥяське, туала стандартъёслы уг тупа ни шуыса. Кун Кенешлэн Тӧроез вераз, кыӵе уж мынэ али элькунын школаосты но нылпи садъёсты пуктон но тупатон удысын. Постолын школа пуктон ужпумез Алексей Прасолов син азяз возёз.
Пичи Пурга ёросысь «Норьинское» муниципал кылдытэтлэн кивалтӥсез Николай Зайцев вераз, гурт больницаязы эмъясь шедьтыны уг быгато шуыса. Элькун парламент кивалтӥсьлэсь юрттэт куриз. Алексей Прасолов юрттом шуыса оскытӥз. Югдурез рос-просгес эскерон понна Кун Кенешлэн Тӧроез Президмулэн ёзчиосыныз ӵош Норья черкогуртэ вуылыны дась луэмзэ вераз.

Возврат к списку