Версия для слабовидящих
Кун Кенеш Президиумлэн ёзчиосыз Кемеровоын бырем адямиосты буре вайыса сяська керттэтъёс понӥзы

Кун Кенеш Президиумлэн ёзчиосыз Кемеровоын бырем адямиосты буре вайыса сяська керттэтъёс понӥзы

28.03.2018
Туннэ, 28-тӥ южтолэзе, Кун Кенеш Президиумлэн ёзчиосыз элькун парламентлэн кивалтӥсеныз Алексей Прасоловен ӵош Кемеровоысь «Зимняя вишня» вуз каронъя центрын бырем адямиосты буре вайыса, шор площадьысь бадӟым экран вӧзысь калыкен тупатэм мемориал доры сяська керттэтъёс понӥзы. Элькунын улӥсьёс толон нуналысен отчы нулло сяськаос, шудонъёс но сюсьтылъёс.
Тодады вайытом, 25-тӥ южтолэзе, Кемеровоысь «Зимняя вишня» вуз каронъя центр ӝуаз. 64 адями быриз, пӧлысьтызы тросэз нылпиос. Учыръя уголовной уж ӝутэмын: чакласькымтэен сэрен быронэ вуттон; тылпулэсь утиськон куронъёсты тӥямен сэрен кык но солэсь трос адямиез быронэ вуттон; кышкыттэмлыкъя куронъёслы тупасьтэм юрттӥськет сётон. Росси Президентлэн Владимир Путинлэн указэзъя, 28-тӥ южтолэзе шаерын ялэмын кайгырон нунал.

Возврат к списку