Кышкытлыклэсь утиськонъя, Регламентъя но Кун Кенешлэсь ужзэ радъянъя ялан ужась ӧрилэн заседаниез ортчиз
09.02.2018
Елена Дербилова кивалтэм улсын кышкытлыклэсь утиськонъя, Регламентъя но Кун Кенешлэсь ужзэ радъянъя ялан ужась ӧрилэн заседаниез ортчиз.
Депутатъёс элькунысь Адямилэн правоосызъя оскем муртлэсь 2017-тӥ арын быдэстэм ужезлы йылпумъянъёссэ кылзӥзы. Кызьы пусйиз Вениамин Соломенников, кылем арын, азьло аръёсы кадь ик, калыкен пумиськонъёс ортчизы Ижкарын но элькунысь муниципал кылдытэтъёсын. Ваньмыз ӧвол 2017-тӥ арын 1500 адями котыр вазиськизы оскем муртлы. Тросэз соос пӧлысь мерлыко юанъёслы валэктон тодыны лыктӥзы.
Туннэ ик депутатъёс кунпуш ужъёсъя министрстволэсь кылем арын ортчытэм ужезлы сӥзем йылпумъянъёсты эскеризы. Быдэсак докладэн министр Александр Первухин одӥгаз матысь сессиосын депутатъёсты тодматоз. Заседаниын пусйизы, отчётын 2017-тӥ арлы йылпумъянъёс сяна, министерство азьын сылӥсь ужпумъёс сярысь но вералозы. Озьы ик, МВД-лэсь ужзэ умоятон понна дэмланъёс но ӵектонъёс луозы.