Удмуртиысь Йӧскалык лыдӟетъюртлэн йӧскалык но шаертодон литературая центраз тодосчилы Юрий Перевощиковлы 90 арес тырмонэзлы сӥзем пумиськон ортчиз. Экономика тодосъя докторез, Удмурт кун университетысь профессорез, УАССР-ысь тодос но техника удысысь дано ужасез ӟечкыланы лыктӥз улосвыл парламентысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез
Татьяна Ишматова. Солэн кылъёсызъя, Юрий Перевозчиков трос лэсьтӥз элькунысь экономика тодосэз азьланьтон понна. Ялан ужась ӧрилэн кивалтӥсез Алексей Прасоловлэн нимысьтыз профессорлы ӟечкылан адрес сетӥз.
