Туннэ, 25-тӥ толсуре,
Алексей Прасолов кивалтэм улсын Кун Кенешлэн азьвыл чакламтэ сессиез кутскиз. Заседаниын Удмуртилэн Тӧроез Александр Бречалов «Удмурт Элькунын ужъюгдур сярысь» докладэн тодматӥз. Улосвыллэн кивалтӥсез элькунлэсь нырысетӥ азьмуртсэ Александр Волоковез буре вайыны ӵектӥз, туннэ солы 66 арес тырмысал. Депутатъёс сессиез минут ӵоже чус улонэн кутскизы. Александр Бречалов тодэ вайытӥз, Александр Волков элькунысь пӧртэм удысъёссэ азинтон понна туж трос лэсьтӥз шуыса. Тодэ вайытом, Удмуртилэн нырысетӥ азьмуртэз 2017-тӥ арын 20-тӥ куартолэзе улонысь кошкиз.
