Кун Кенешлэн Тӧроез
Алексей Прасолов Удмуртилэн ужрад туризмъя дырпусэныз (календареныз) тодматон пумиськонэ пыриськиз. Со ортчиз туннэ Ижкарын Ӟуч драмая кун театрын. Отчы элькунлэн Тӧроез Александр Бречалов, туриндустрилэн, иворъёсты вӧлмытӥсь ёзэсъёслэн ыстэм муртъёссы, ужбергатӥсьёс но инвесторъёс пыриськизы. Куноослы элькунамы ортчылӥсь тужгес тунсыко ужрадъёс сярысь веразы. Соос вить ӧръёсъя люкемын вал: адями но инкуазь, сиён-юон, лулчеберет, спорт но ужбергатон. Дырпусэ элькунысь муниципалитетъёсын ортчытъяськись оглом 100-лэсь трос ужрадъёс пыртэмын. Соосын afisha.udmurt.ru выль сайтын тодматскыны луэ. Со путешественникъёслы сяна, туроператоръёслы но, элькунамы ужрад ортчытыны малпасьёслы но тунсыко луоз. «Ужрадъёсты радъясьёслэсь но туроператоръёслэсь кусыпъёссэс радъян ласянь та чылкак выл сӧзнэт», - шуиз Михаил Хомич, Удмуртиысь Тӧролэн Росси азьмурт бордын ялан ужась
ужоскето муртэз. Александр Бречалов пусйиз, дырпусэн тодматон — элькунын туризмез азинтонлэн одӥгез люкетэз.
