Ужрадъёс ортчизы шаермылэн пӧртэм сэрегъёсаз. Ӧжыт ӧй вал соос Ижысь Шор площадьын но. Люкаськемъёсты ӟечкылаз Удмуртилэн Тӧроез Александр Бречалов. «Та нунал эшшо одӥг пол возьматэ, Россиысь уно пӧртэм калыкъёс тупаса, ог-огзэс валаса улыны быгато шуыса. Удмуртиын уло но ужало эшъяськыны но, ужаны но быгатӥсь, туж таланто адямиос», - пусйиз со. Ижысь Шор площаде люкаськемъёсты озьы ик ӟечкылазы Кун Думалэн депутатэз Алексей Загребин, «Удмурт Кенеш» ассоциацилэн кивалтӥсез
Татьяна Ишматова, озьы ик Ижысь но Удмуртиысь митрополит Викторин, Удмуртиысь муфтий Фаиз-хазрат Мухамедшин. Вань мылкыд карисьёс веръяны быгатӥзы пӧртэм калыкъёслэсь сиён-юонъёссэс, радъямын вал киужъёсын вуз карон, ортчизы пӧртэм
шудонъёс, ӵошатсконъёс, мастер-классъёс.
