Туннэ Кунэз радъянъя но интыосысь аскивалтонъя ялан ужась ӧрилэн кивалтӥсез
Александр Прозоров совещание ортчытӥз. Отын вераськизы муниципал кылдытэтын Кун Кенешлэсь нуналзэ радъян сярысь. Таӵе ужрад Вотка ёросын 22-тӥ шуркынмонэ ортчытыны чакламын. Та нуналэ муниципал кылдытэтын тямыс секциос ужалозы, кивалтозы соосын ялан ужась ӧриослэн тӧрооссы. Соос элькун катъёслэсь ужамзэс гинэ ӧвӧл, ёрос азьын сылӥсь ужпумъёсты но эскерозы. Туннэ нуналэ ужрадлэсь программазэ кылдыто, ялан ужась ӧриос отчы асьсэлэсь дэмланъёссэс ӵекто. Тодады вайытом, куинь ар куспын Кун Кенешлэн нуналъёсыз ортчытэмын сӥзьым муниципал кылдытэтъёсын. Депутатъёс таӵе амалэн ужазы Яр, Дэри, Сарапул ёросъёсын, Ижкарын, Глазовын, Можгаын но Воткинскын.
