Шаерамы пенсионерлы улыны-вылыны тырмымон коньдонлэсь быдӟалазэ эскеризы
11.10.2017
Алексей Чернов кивалтэм улсын ортчиз ужъя, калыкез улон-вылонын утён политикая но ветеранъёслэн ужъёссыя ялан ужась ӧрилэн заседаниез. Одӥгез юан, кудзэ эсеризы депутатъёс, сӥземын вал Удмуртиын пенсионерлы улыны-вылыны тырмымон коньдонлэн быдӟалаезлы. Кызьы вераз Надежда Губская, ужъя но миграция политикая министрлэсь ужзэ быдэсъясь, 2018-тӥ арын шаерамы улӥсь пенсионеръёслы улыны-вылыны тырмымон коньдэтлэн быдӟалаез луоз 8 сюрс 502 манет. Министрлэн кылъёсызъя, коньдэтлэн быдӟалаез лыдъямын пенсионерлэсь потребительской корзиназэ чакласа. Со сяна, Россиысь ужъя 
министерстволэсь но дэмланъёссэ лыдэ басьтӥзы. Парламентариос катлэн проектэз понна дурбасьтӥзы.