Туннэ шаерысьтымы тужгес усто дышетӥсьёсты резиденциын но Операя но балетъя кун театрын данъязы. Огазе люкамын вал каръёсысь но ёросъёсысь визьнодасьёс: дышетӥсьёс но воспитательёс. Ваньзы соос ас удысазы адӟем карымон ужасьёс но пӧртэм конкурсъёсын вормисе потэмъёс – кин ке «Дышетон» нацпроектын, кин ке Удмуртиысь вожвылъяськонын. Данъян ужрадэ лыктэм дышетӥсьёсты ӟечкылаз Кун Кенешлэн Тӧроезлэн нырысетӥ воштӥсез
Владимир Невоструев. Со тау кылъёссэ вераз дышетӥсьёслы котькуд нунал ужамзы, нылпиос понна сюлмаськемзы понна. Шуныт кылъёс озьы ик веразы ветеранъёслы, кудъёссы будэтӥзы Удмуртиын улӥсь трос поколениосты. Озьы ик дышетӥсьёсты зечкылаз Кивалтэтлэн Тӧроез Ярослав Семенов.
