Тазалыко улонъя форумъёс азьланьтӥськозы Удмуртиын

Вуоно арняысен Удмуртиын азьланьтӥськозы тазалыко улонъя форумъёс. Калыклы кельшымон ужрадъёс, кытын котькуд адями быгатоз аслэсьтыз тазалыксэ эскерыны, ортчозы Ижкарын, Дэри, Глазов, Юкаменск но Яр ёросъёсын. Ваньмыз ӧвӧл гудырикошконын но куарусёнын ортчозы 10-лэсь трос форумъёс.
Ужрадлэн оргкомитетэныз заседание ортчытӥз Кун Кенешлэн Тӧроезлэн нырысетӥ воштӥсез, тазалыкез утёнъя, демографияя но семья политикая ялан ужась ӧрилэн кивалтӥсез Светлана Кривилёва. Таӵе ужрад «Единая Россия» партилэн но та удысъя ялан ужась ӧрилэн кичӧлтэмзыя трос пол радъяськиз ни. Кызьы совещаниын веразы, ёросъёсын ужрад ортчоз азьло кадь ик. Калыкен ужаны лыктозы пӧртэм эмчиос. Нош Ижкарын со сяна радъяськозы на нылпиослы, трос нылпиё семьяослы, секытэн нылкышноослы тазалыкез утёнъя форумъёс.