Версия для слабовидящих
Нырысьсэ Удмуртиын бюджетэз быдэстонъя кылзонъёс ортчизы

Нырысьсэ Удмуртиын бюджетэз быдэстонъя кылзонъёс ортчизы

01.06.2017
Кун Кенешын 2016-тӥ арлы коньдэтэз быдэстонлы сӥзем мер кылзонъёс ортчизы. Кызьы вераз коньдон ужпумъёсъя министрлэсь ужзэ быдэсъясь Станислав Евдокимов, кылем арын транспортъя но сюрес возёсъя министерствоен уже кутымтэ федерал коньдэтысь 469 миллион манет Удмуртие берытскоз. Уже кутымтэ кылемзэ коньдонэз сюрес лэсьтонэ келян сярысь ӵектонъёс дасямын. Министр верамъя, ӝыны арлы йылпумъянъёсъя со ужпумез кун кивалтэтын эскерозы. Соглаш луиз ке, коньдон улосвылэ берытскоз.
Тодэ вайытом, 2016-тӥ арын «Мостострой-12» компания Удмуртиын ньыль выжъёсты но Костино — Камбарка автомобиль сюресэз лэсьтон но выльдон понна тендеръёсты утӥз, но коньдонэн шугъяськонъёс сэрен 600 миллион манет тыр ужъёсты ӧз быдэсты. Берлогес элькунысь транспортъя но сюрес возёсъя министр вераз, улосвыл выжъёсты тупатъяны чаклам ӝыны миллиард манет федерал коньдонэз улосвыл ас понназ ик кельтыны оске шуыса.

Возврат к списку