Версия для слабовидящих
21 миллиард манет вуиз Удмуртилэн коньдэтаз 1-тӥ куартолэзьлы

21 миллиард манет вуиз Удмуртилэн коньдэтаз 1-тӥ куартолэзьлы

19.05.2017

18-тӥ куартолэзе Кун Кенешлэн Тӧроезлэн воштӥсез, бюджетъя, вытъя но коньдон ужпумъёсъя ялан ужась комиссилэн кивалтӥсез Софья Широбокова журналистъёсын пумиськиз. Солэн верамезъя, 2017-тӥ арын 1-тӥ куартолэзьлы Удмуртилэн коньдэтаз 21 миллиард манет табышъёс вуизы, уже кутэмын 19 миллиард 200 миллион манет.
«Югдур огсыр, 2017-тӥ арлы коньдэтэз быдэстон лачмыт мынэ, кылем арлэн кутсконэныз ӵошатыса, югдур шӧдскымон умойгес», — пусйиз со.
Элькун парламентлэн Тӧроезлэн воштӥсезлэн кылъёсызъя, улосвыл коньдэтлэн ас табышез 11 процентлы будӥз, берыктонтэм вылысь вуись тыронъёс — 3 процентлы. Выт но выт луисьтэм тыронъёс пӧлын 48 процентэз табышлэсь выт вылэ усе, 25 процент палаез — нимаз адямиослэн табышсылэсь выт, кӧня ке йылӥзы акцизлэсь тыронъёс, со пӧлын кудӟытӥсь юонъёслы (10,5 процент).
Уже кутэмын миым сярысь ӧжытгес, соку 1-тӥ куартолэзьлы 22 миллиард манет висъямын вал. Кылем арын нырысетӥ кварталын элькун пунэмъёсты ворсаны выриз, соослэн быдӟалазы 6 миллиард манет вал, со пӧлын лэсьтӥськон, гурт возёс, сюрес лэсьтӥсьёс азьын.
Коньдэтлэн 74 процентэз мер удыслы мынэ. Кылем арынлэсь тросгес висъямын иворъёсты вӧлмытӥсь ёзэсъёслы но мер политикалы, мукетъёсызлэсь ӧжытгес — тазалыкез утён но дышетон удысъёслы.
Софья Широбоковалэн верамезъя, кӧня ке сюлмаськыто гурт но сюрес возёсъёс, отын коньдон ужпумъёсъя министерствоен чаклам вань лимитъёсты уг куто.


Возврат к списку