Владимир Невоструев ӟечкылаз Вормон нуналэн
09.05.2017
Удмурт Элькунысь Кун Кенешлэн Тӧроез Владимир Невоструев шаерамы улӥсьёсты Вормон нуналэн ӟечкылаз.
«Удмурт шаерын улисьёс!Ӟечкыласько тӥледыз Вормонлы 72 ар тырмонэн! Калыкмылэн та подвигез ноку но уз вуны. Арысь аре со возьматоз, кунамы улӥсьёс кышкасьтэмесь, ужаны яратӥсесь, ог-огзылы юрттыны тыршисесь шуыса.
Быдэс странаен ӵош Удмуртия но кужым шедьтӥз вӧсен, синкылиен пачылмем 1 сюрс 418 нунал пыр потыны. Шаерысьтымы котькуд 4-тӥез адями кошкиз войнае, ӝыныезлы отысь берытскыны ӧз кылды ини. Ижысь ож тӥрлык поттонъя заводъёс войнае келязы 11 миллионлэсь ятыр пыӵалъёс.
Быдӟым ож котькуд семьяез ӵушказ. Анай-атайёсмы, песянай-песятайёсмы улонзэс, тазалыксэс сётӥзы дунне вылын тупаса, эшъяськыса улон понна. Соин ик тау шуиськомы, музъемозь ик йыбырттӥськомы соослы! Баӟдым шуд, юн-юн тазалык тӥледлы.