Удмуртиын бакча сиён но картофка будэтонэз азинтыны чаклало

Бакча сиён но картофка будэтонлы юрттонэз Удмуртиысь гурт возёсэс азинтонъя программае нимысьтыз чурен пыртыны малпало. Со сярысь 13-тӥ оштолэзе журналистъёслы вераз элькун парламентысь агропром огъетъя, музъем кусыпъёсъя, инкуазь узырлыкъёсты уже кутонъя но инкуазез утёнъя ялан ӧрилэн кивалтӥсез Владимир Варламов.
«Бакча сиён кидысъёсын туннэ шугъяськонъёс вань — со кидысъёс дуноесь, ми троссэ соосты кунгож сьӧрысь басьтӥськомы на. Туннэ кидыслы картофкаен но шугъяськонъёс вань — со но дуно, солы субсидиос висъяны кулэ», — вераз ӧрилэн кивалтӥсез.
Юрттэт сярысь кичӧлтонэз Кун Кенешысь депутатъёс элькунысь гурт возёсъя но сиён-юонъя министерствоен ӵош дасязы.
Владимир Варламовлэн верамезъя, со ваньбур поттонэз будэтэм сяна, калыклы ужан интыос но кылдытоз.