Версия для слабовидящих
Кун Кенешын ортчиз кунлыклы сӥзем урок

Кун Кенешын ортчиз кунлыклы сӥзем урок

30.03.2017

Элькун парламентын Удмурт кун университетысь студентъёс понна парламентаризмъя урок ортчиз, кудиз сӥземын вал шаермылэн кунлык басьтэмезлы. Ужрадэз нуиз кунэз радъянъя но интыысь аскивалтонъя ялан ужась ӧрилэн кивалтӥсез Наталья Кузнецова.
Пумиськонын егитъёс тодӥзы, Удмуртилэн историяз куинь Конституция вал шуыса — 1937-тӥ, 1978-тӥ, 1994-тӥ арын юнматэмъёсыз. Нырысетӥ Конституцимылы 80 ар тырмонлы сӥзем пул усьтэмын вал 14-тӥ мартэ. Сое кылдытонлэн кулэлыкез сярысь вераз Кун Думаысь депутат, история наукаосъя доктор Алексей Загребин. Со пусйиз, кыӵе бадӟым уж лэсьтӥзы валтӥсь законмес кылдытон понна удмурт югдытӥсьёс Трофим Борисов но Иосиф Наговицын.
Озьы ик студентъёс 1994-тӥ арын кутэм Конституция сярысь видеофильм учкизы. Сое кылдытон бордын тыршизы УдГУ-ысь дышетӥсьёс но.
Туала Конституцие пыртэм воштӥськонъёсын тодматӥз Кун Кенешысь депутат Алексей Вахрушев. Со пусйиз, берло 5 ар куспын кык воштӥськон юнматэмын вал. Кылсярысь, берлоез герӟаськемын Куш Кенешысь депутатъёслэсь лыдзэс кулэстонэн. Туэ сентябрь толэзе 90 интые 60 депутат бырйиськоз ни.


Возврат к списку