Удмуртилэн коньдэтэзлэсь табыш люкетсэ 2 миллиард 200 миллион манетлы будэтӥзы
29.03.2017
28-тӥ южтолэзе Владимир Невоструев кивалтэм улсын Кун Кенешлэн сессиез ортчиз. Депутатъёс трос юан эскеризы. Кылсярысь, Удмуртилэн коньдэтэзлэсь табыш люкетсэ 2 миллиард 200 миллион манетлы будэтӥзы, 63 миллиард 546 миллион манетозь. 2017-тӥ арлы коньдэт сярысь катын лыдпусэз Кун Кенешысь парламентариос юнматӥзы.
Коньдэтэз тырмытонлы инъет луизы: 500 миллион манет огазеяськонъёслэн табышсылы выт, 494 миллион 350 сюрс манет нимаз адямиослэн табышсылэсь выт, 202 миллион 45 сюрс манет кужмо курыт юонъёслы акцизъёс. Со сяна, Удмуртия 1 миллиард манетлэсь трос басьтоз федерал коньдэтысь.
Элькун коньдэтлэн уже кутоно люкетэз но 1 миллиард 935 миллион манетлы будӥз, 67 миллиард 454 миллион манетозь. Ватсаса коньдон висъялозы кӧня ке ӵектосъёслы но удысъёслы валче вылысь уксё тыронлы, озьы ик Удмуртиысь мер но экономика удысъёсты 2025-тӥ арозь азинтонъя стратегиез быдэстон понна пусъем ужпумъёсты сэрттон-пертчонлы.