Удмуртилэн Кун Кенешысьтыз депутатъёс Чувашиысь но Пермь шаерысь каткылдытӥсьёсын хоккей шудозы
16.02.2017
Удмуртилэн Кун Кенешысьтыз но Ижкар думаысь депутатъёс Чувашиысь но Пермь шаерысь каткылдытӥсьёсын хоккей шудозы.
«Чувашиен вераськемын. Матысь дыре интыез но дырыз сярысь вераськомы, Чувашилэн командаеныз пумиськон южтолэзь кутсконын ортчоз. Отын элькунлэн тӧроез шудэ, каткылдытӥсь кенешлэн тӧроез шудэ, озьы ик депутатъёс, кивалтэтлэн ёзчиосыз. Сыӵе пумиськон матысь дыре луоз. Озьы ик бускельёсын, Пермь шаерен, вераським. Сыӵе пумиськонъёсты ми ялан ортчытъялом шуыса малпасько», — вераз Кун Кенешлэн Тӧроез Владимир Невоструев.
17-тӥ тулыспалэ Удмуртиысь парламентарийёс элькунысь студентъёслэн отрядъёслэн командаенызы шудозы. Пумиськон «Ижсталь» йӧ дворецын ортчоз.