Рафис Касимовез Удмуртиысь кивалтэтлэн Тӧроезлы воштӥсе юнматӥзы
09.02.2017
Рафис Касимовез Удмуртиысь кивалтэтлэн Тӧроезлы воштӥсе юнматӥзы. Элькунлэн Кун Кенешысьтыз депутатъёс сыӵе пумкылъян кутӥзы азьвыл чакламтэ сессиын Владимир Невоструев кивалтэм улсын 9-тӥ тулыспалэ. Со понна 62 депутатъёс куразэс сётӥзы, 12-ез пумит луизы.
Тодэ вайытом, 2016-тӥ арын куартолэзе Рафис Касимов элькун кивалтэтлэн Тӧроезлэн воштӥсезлэсь ужзэ быдэсъясе юнматэмын вал. Со промышленностез, эстӥськонъя но дыкужымъя огъетэз, жилищно-коммунальной возёсэз, транспорт но сюрес возёс удысъёсты, нюлэс возёсэз но мукет удысъёсты чаклаз. Солэсь кандидатуразэ юнматыны азьвылгес ӵектэмын ни вал, но Кун Кенешлэн 21-тӥ инвожое ортчем сессияз 34-ез депутатъёс пумит куаразэс сётӥзы.