Удмуртилэн Кун Кенешаз Наталья Судариковалэсь мандатсэ басьтӥз Сергей Охлопков
30.01.2017
Наталья Судариковаез элькун кивалтэтлэн Тӧроезлы воштӥсе юнматэм бере Удмуртилэн Кун Кенешысьтыз депутатлэсь буш кылем мандатсэ Сергей Охлопковлы сётӥзы. Сое ӵектӥз «Единая Россия» партилэн улосвыл ёзэтэз Мандатэз сётон сярысь пумкылъян Удмуртиысь Быръёнъёсъя валтӥсь ӧрилэн кенешоназ 19-тӥ толшоре кутӥзы.
Тодэ вайытом, 13-тӥ толсуре Удмуртилэн Кун Кенешысьтыз депутатъёс Наталья Судариковалэсь кандидатуразэ улосвыл кивалтэтлэн Тӧроезлы воштӥсе юнматон понна дурбасьтӥзы. Со понна куаразэс сётӥзы 71 пӧлысь 64-ез калыкен быръемъёс. Солэн кивалтэтэ ужаны выжеменыз валче мандат буш кылиз.