Владимир Невоструев Выль арен но Ымусьтонэн ӟечкылаз

Удмурт Элькунысь Кун Кенешлэн Тӧроез Владимир Невоструев шаерамы улӥсьёсты Выль арен но Ымусьтонэн ӟечкылаз:
«Выль ар азьын асьмеос оскиськомы, вань малпанъёсмы быдэсмозы шуыса.
Таиз ар бадӟымесь воштӥськонъёс, шумпотонъёс вайиз, тросэз ужрадъёс вунонтэм кылизы. Кун Кенеш азьвыл сямен ик ужаз законодательствоез умоятон, калыклэсь улонзэ капчиятон бордын. Туэ асьмеос поселениосы, ёрос Кенешъёсы, Россиысь Кун Думае депутатъёсты бырйимы. Интыосын кивалтон ёзъёс выльдӥськизы.
Малпасько, 2017-тӥ арын республикамы ӟеч ужалоз но азьпала вамышъёс лэсьтоз, выль вормонъёс басьтоз. Мед быгатомы малпанъёсмес улонэ пыӵатыны, семьяосмы шудоесь мед луозы, вордскем музъеммы – узыр, сяськаясь.
Ваньдылы сӥзисько юн тазалык, шудбур, дэлет!».