Кун Кенешысь депутатъёс хоккеен шудӥзы
29.12.2016
Кун Кенешысь депутатъёс Кар Кенешысь парламентарийёсын ӵош пумиськизы Белкамнефть огазеяськонлэн командаенызы хоккеен шудыны. Йӧ вылэ потӥз озьы ик Кун Кенешлэн Тӧроез Владимир Невоструев. Нюръяськон ортчиз 27-тӥ толсуре «Молодежный» йӧ дворецын. Куинь период тыршыса шудэмзы бере, вормисе потӥз депутатъёслэн командазы, 5:3 счётэн. Таӵе пумиськон нырысетӥ тренировка луиз. Вуоно арын толшор яке тулыспал толэзьын малпамын ортчытыны депутатъёс пӧлын хоккея турнир.