Владимир Невоструевез «Единая Россия» партилэн Удмуртиысь улосвыл ёзэтэзлы секретаре бырйизы
23.12.2016
«Единая Россия» партилэн улосвыл ёзэтэзлэн туннэ, 23-тӥ толсуре, ортчем йылпумъян-быръён конференцияз делегатъёс лушкем куара сётыса ёзэтлэсь секретарьзэ бырйизы. Со луиз Кун Кенешлэн Тӧроез Владимир Невоструев.
Тодэ вайытом, 2015-тӥ арысь толсурысен со секретарьлэсь ужзэ быдэсъясь вал.
Интыуже кык кандидатъёс вал: Владимир Невоструев но Дэри ёрослэн кивалтӥсез Андрей Коняшин.
Владимир Невоструев понна 201 адями куара сётӥз, Андрей Коняшин понна — 39. 3 бюллетеньёсты лыдэ ӧз басьтэ.