Сад будэтон сярысь федерал катлэсь проектсэ эскеризы

Кун Кенешлэн агропром огъетъя, музъем кусыпъёсъя, музъем узырлыкез уже кутонъя но инкуазез утёнъя ялан ужась ӧрилэн тӧроез Владимир Варламов кивалтэм улсын совещание ортчиз. Со сӥземын вал сад будэтон сярысь федерал катлэсь проектсэ эскеронлы. Депутатлэн верамезъя, али дыре сад будэтон но сад будэтӥсь хозяйствоос сярысь ужась закон кутэмын кызь ар талэсь азьло, но туннэ улонлы со уг тупа ни. Соин ик дасямын сад будэтон сярысь выль федерал катлэн проектэз. Совещание пыриськисьёс веразы асьсэлэсь ӵектонъёссэс катлэн проектэз сярысь. Соос пусйизы, сад будэтӥсь хозяйствоослэсь выль быръем кивалтӥсьёссэс дышетыны кулэ шуыса. Со сяна, ӵектизы быръён нунал юнматыны.
Владимир Варламовлэн кылъёсызъя, нырысь ик кулэ та катлэсь проектсэ сад будэтӥсьёслы асьсэлы интыосазы эскерыны. Та юан бордын ужан азьланьтӥськоз на.